|
الى متى يا جامعة الملك فيصل ..!!!! ؟
الســـــلام عليكم ورحمة الله وبركاتة ..
يسعد صباحكم واوقاتكم بكل خير وسرور ،،،
الى متى يا جامعة فيصل واحنا نعاني من البلاك بورد صابني الملل من الدراسة
جاتني ضيقة والله من هـ الجامعة وتعاملها معانا وعدم المبالاه في طلابها ..
كل ما جيت ابي افتح البلاك بورد ما يفتح و يعلق ولا يدخل من الاساس ..
مو معقول الشي هذا لدرجة وربي كرهت الدراسة وتندمت اني التحقت في هـ الجامعة
اذا جاء وقت السداد يرسلون لنا مسجات كل يوم واحنا حاضر ومن عيونا نسوي الي علينا
وهم لا جاء وقت شغلهم ما نشوف منهم شي هذا مو تعليم هذا تطفيش . !!
بعض الناس تطلع عندهم مناقشات و البعض ما تطلع وناس واجبات وناس تختفي منهم
ونحل و نتعب في المناقشات و اليوم الثاني تختفي ..!! هل هذا هو التعلم عن بعد !!
عانينا السمستر الي فات وقالو انشاء الله في طور انا نوسع و نحط سيرفرات للبلاك بورد
ولافيه اي فائده ولا شفنا اي شي ..
وقف علينا ما يقارب عشر ايام البلاك بورد قلنا مو مشكله انشاء الله انه يكون تطوير نهائي
ويضبط مافيه مشكله نتأخر شوي
تفاجئنا ولقينا البلاك بورد نفسه الفرق انه نازل اربع محاضرات في عشر ايام ؟؟؟
المبالغ الي يدفعونها الطلاب مبالغ مهوله ولا نحتاج نذكر ارقام ولكن برضه مافيه فايدة
وصلت حد الملل ولا لي خلقهم ابد
يمكن يبغونا نكتب في الجرايد و ننشر مقالات ونرسل برقيات ؟؟
دخلت الموقع العالمي للبلاك بورد او بالاصح نزلت الابلكيشن حق البلاك بورد من ابل استور
جيت بدخل على جامعتنا قالي الجامعة الي انتي مسجل فيها ما حدثت بيانتها
جربت ادخل على جامعة سعود فتح معاي وطلب اليوزر و الباسود ..
الله يفرج همنا بس ويكون بعونا قدها وزت على قولتهم و ننتظر الفرج ...
كل الود لكم
|