غريب وأحزاني شناط ومطارات
كرسي تعب جمر إنتظار وأغاني
وإن مرت الضحكة بـ وجه المسافات
تاخذ معـاها مــابقى من أمـــاني
أقسى من الدمعة رحيل الحكايات
وأقسى من الغربة سكوت المباني
أخنق بـ يد الصبر ترتيل الآهات
وأسلم على حلمي لو إنه بكـاني
فكيت قيد الدمع وأتناثر أشتـات
لـ للضيق ، لـ أنفاس السهر ، لـ المواني
سلكت شارع غربتي والإشارات
مستقبلي ، عثرات وقتي .. زماني
وإنتي رحلتي والبشر كنها أموات
مدري أودي وين باقي حناني ..؟
أرسم خيالك في عيون الصباحات
وتطرد خيول الليل نبض المعاني
حزن الكراسي ، والسفر والمعانات
وبكاي وأصداء التعب بـ المحاني
غريب وأحزاني شناط ومطارات
ومافيه أحد لو غبت عنه بكاني