نـَــقــَــــــــاء ْ الـنـُـــفـُــــــــــــوس ْ ..!!







قال الشيخ العـلامه عبدالعزيز بن بـاز رحمه الله وغفر له :

( المشروع للمؤمن أن يحترم أخاه إذا إعتذر إليه و يقبل عذره إذا أمكن ذلك ,

و يحسن به الظن حيث أمكن ذلك ,

حرصاً على سلامة القلوب من البغضاء ، و رغبة في جمع الكلمة والتعاون على الخير ) .





ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ



من أصعب الأمور على نفسي ..

إساءة الظـنّ و إصدار الأحكام المُسبقه بــ شخص ما دون أي علم و معرفه بــ ظروف و طبيعة حياة ذلك الشخص ,

و لــلأمانه .. هذا الأمر عانيت منه و لا زلت أعاني , و الظاهر أن معاناتي معه ســ تستمر مستقبلا ..!!

مـُجرد إنشغالك في أمر ما أو ظرف معيـّن ..

فــ إن البعض يزعل و " ياخذ على خاطره " و خلاص ما عاد يكلـّمك , و لا يردّ على إتصالاتك ..!!

يا دافــع البلاء ..

الناس تغيـّرت .. ما عاد هي مثل قبـل ,

بعض الناس يقول الزمـن تغيـّر !!

و هــ الكلام ما أتـّفق معاه " منوب منوب " ,

لأن الزمن مثل ما هو .. و لكن قلوب الناس هي اللي تغيـّرت , و ظنونهم أيضـا تغيـّرت ,

البـدو من أوّل يتهاوشون العصر .. و في الـليل يجلسون مع بعض و يتعشـّون و يتسامرون ,

و ثاني يوم يتهاوشون و بعدهـا يتصالحون ,

حياتهم ماشيه على هــ الحال لأن نفوسهم نظيفه ,

ما فيهـا غـلّ , و حقـد , و كـُره , و بغضاء , و شحناء ..

و حتى لو كان فيها ..

فــ نسبة الطيبة و المحبـّه و الإخاء و النقاء في نفوس الأغلبيه أكثر و أعمّ ,

الحين و في وقتنا الحالي ..

يا إلهـــي ..!!

عسى ما صار شيء بسيط .. تحمـّل اللي يجيـك , شيء متوقـّع و أشياء غير متوقـّعه ,

البعض عنده إستعداد يمسح تاريخ العلاقه بينك و بينه لــ مُجرد إنك ما رديت على إتصاله إلا ثاني يوم !!




بــ النسبه لي ..

واقع حياتي يمشي غالبـا بدون تخطيط ,

صحيح إخطـّط لكل شيء و لكن أحيانا تطري و تستجد ظروف و أمور تنسف كل اللي خطـّطت له ,

و كثير من اللي يعرفوني يـَعيبون علـيّ " إهمال التواصل " و " يـَـتـَـشـَـرّهون " .. و هم مو عارفين بــ الظروف ؟!!

لمـّا اقولهم مشاغل و ظروف .. يقولون حتى حنـّا عندنا مشاغل و ظروف ,

واحد منهم قالي مرّه : تحسّسني إنك الوحيد اللي ينشغل و تجيه ظروف !!

معاه حق و ما ألومه على كلامه .. لأن اللي يدري يدري , و اللي ما يدري ما يدري ,

أصلا مو لازم يدري .. خلـّه على عماه أحسن ,

و لــهذا أخذت من الدنيـا قناعـه ..

من يريد التواصل ســ يصل لك و يـُقدّر ظروفك ,

و لو تقطع و تغيب عنـّه سنه ما راح يجي منـّه إلا كل شيء زين و طيـّب ,

و أما اللي يميل كل ما مالت الريح ,

و " شرهاته واجد " و " عتاباته " أكثر من سلاماته .. ما عليه " إحسوفـه " لو راح ..!!





ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ




يقول الشاعـر :


إذا كـُـنت في كلّ الأمور مـُعاتبـا ...--... صديقـك لم تلقـى الذي لا تـُعاتبـه


و سلامتكـم و تعيشــون ..