<<.....تدري ليش عقب غياب جيتك؟؟ .....>>
قصيدة اعجبتني حبيت انقلها لكم ... أتمنى ان تنال استحسانكم .....
من بعد ماكنت احســـب اني نسيتـــك..
..................... مـدري وش جـــــابك على البال وذكرتك
ولا وعيت الا وانــا قـــدام بيتــــك..
...................... ماتقـــول اني قبل مــده (هجــــرتك)؟!
ذا مكــاني لاغفــى اللـيل وسريتـــك..
..................... شف كــم لي ماسريــت ولا سهـــرتك؟
وذا مكـانك لاتضــايقت وجفيــــتك..
..................... وشـف كم لك ماترجيــــت وعــذرتك؟!
وذا مكـان قلـوبنـا لـحظة هــويتك..
.................... فيــه عمري اختصـــرته واختصــرتك
واقف وكـأني من احـزاني بنيـــتك..
.................. (جســر) مابيـن الزمـانين وعبــــرتك!
آتذكر وش خذيــت ووش عطيــتك..
.................... يوم كنت انقــاض وبحبــي عــــمرتك
وآتذكـر ساعـة "انهـوك" وبديتــك..
.................... كيـف بجـروحي عن جـروحي ســترتك؟؟
وكيف بعت احـلام عمري واشتــريتك..
....................... وكيـف كنت [ اشنـع ] هزيمه وانتصرتك!
وكــيف كنت الملـح لكنـي رويـتك..
......................... وكيـف كنـت [الـــزيف] لكني ذخرتك!!
ادري انــي جد..من قلبـي بغيتــك..
....................... وادري اني رغم كـل هــذا خسـرتك .!!
انتـظرتك عمـر حتـى اني لقيـــتك..
....................... والقهــر مـدري على ويش انتــظرتك؟!
كنت احبــك / كنــت !! لكني سليتك
........................ ومابقــى سلمـته الريـح [ ونثـــرتك ]
وانــت لاتـزعل اليا مني رثيــــتك
...................... بعــد (ماخنــت) وتوفيـت وقبــــرتك ..
واللـــه اني لاحــزنت ولابكيـــتك..
....................... مثل [ماعمـرتك] بقلبــي [دمـــرتك]بس تدري ليش عقب غيـاب جيـــتك؟..
..................... واهتـــدت رجلي على بيتــك وزرتـك؟؟
ابشكرك علـى آخـر طعـونك فديتك..
..................... ليـلة فــراقك نسـيت ولا شكـــرتك.. !!
مما راق لى
الشاعر / محمد السهلي
التعديل الأخير تم بواسطة الــغـــدراء ; 2011- 10- 30 الساعة 10:44 PM
|