وشلون يستر ظل الأشجـار سـورك ؟
لا صرت تزرع في ثرى صمته الريـح

بيـن انكسـارك / ارتباكـك/ نفـورك
ما عاد يروي ( غصن الإيضاح) تلميح

ولا عاد يكشف ( عتمة البوح) شـورك
لو كان فإنصاتي ( عيـون ومصابيـح)

يا صاحبي وإن بعثـروا لـك شعـورك
لا يخذلـك شبـاك الأحـلام وتطـيـح

كم كنت أرتب فـي غيابـك حضـورك
وكم كنت أسولـف فتنتـك للمراجيـح

اللي خسرنـي غفلـة ٍ مـن غـرورك
واللـي نفانـي لعـزة البعـد تجريـح

واللي خذلني ف(صمت الإنصاف) جورك
لا صك في وجـه الحديـث المفاتيـح

يا ريح !! وإن عم الشتـات فحضـورك
من نزوتك ! وش ذنب الأشجار ياريح ؟