مرحبا
اخ انيس هذا حلم اختي الكبيرة ...
فسرته عند شيخين قالوا لي ( خير لك انت - أنا - و اختك وزوجها ) بس ما حددوا لي التفسير وشو الخير بالضبط
ممكن توضحه لي ؟؟
هذا هو الحلم ( على لسان اختي الكبرى ) ::
السلام عليكم و رحمة الله و بركاته
اخواتي انا رايت كأني انا و زوجي و اختي الصغيرة الي عمرها 20 ((( اللي هي انا ))) ,, واختي اللي اصغر منها ( لكنها توفيت وهي صغيرة ) بنسافر .. و كأننا
بالمطار ويوم جينا بندخل غرفة الدرجة الاولى بالمطار , الامن مارضى يدخلنا وقال لازم التذاكر .. وقمت أنا أأشر على زوجي وقلت هذا تبعنا
وكأن زوجي كان يصلي داخل .. المهم ان الامن دخلنا .. ويوم دخلنا لقينا بركة موية , وكأن زوجي رمى أكل للسمك بالبركة .. ونطت من
البركة سمكه كبييرة بس ما تخوف و قامت تتحرك مثل ما تتحرك السمكة يوم ما تطلع من الموية قبل ماتموت لكنها ما ماتت .. و كأن اختي
الصغيرة ( المتوفيه ) خافت منها و قامت تصرخ .. وجات اختي الصغيره ( أنا ) اللي عمرها 20 شاتت السمكة و رجعتها البركة ... انتهى
مع العلم ان ::
* انا متزوجة ولدي 4 ابناء ( 3 بنات وولد )
* اختي - انا - عمرها 20 .. طالبه .. عزباء
* اختي اللي اصغر .. متوفيه قبل يمكن 6 سنين .. توفيت و هي بثالث ابتدائي