×
دويوان الشاعر / ضيدان بن قضعان العرجاني !!
(( العظيمه )) !!
ياعظيمه كل شي لـه حـدود ولـه نهايـه
لكن انتي ماوقفتـي عنـد حـدك ياعظيمـه
استلذيتـي بطعناتـي واخذتيـهـا هـوايـه
كن مالك حربـة توجـع وطعنـات اليمـه
آه ليتـك ماتماديتـي بطعـنـات البـدايـه
لين صار لكل طعنه بالحشى معنـى وقيمـه
الله يجيبك لكن كيف وفـي اغـرب روايـه
تكتبين الحب كذبـه والهـوى دقـه قديمـه
وانتي الذي كل مالدت عيوني فـي المرايـه
مالمحت الا اليتيم اللي خـذت قلبـه يتيمـه
واليتيمه في اليتامى مالهـا حـق الوصايـه
الوصيه عودها الغـض ونواياهـا السليمـه
لكن انتي صارلك حق الوصايـه والولايـه
واستبديتي وشد البـدو واضحيتـي مقيمـه
مارحلتي لين حطمتـي بمـا فيـه الكفايـه
عاقل حب الجنون وصوت نارك في هشيمه
استبحتي حرمه المجنـون بـدراك وعنايـه
والتفتي له بعقلك وارتكزتي فـي صميمـه
امتلكتي غايته لو ماكـان لـه فيـك غايـه
وانتصرتي في عيونه واعترف لك بالهزيمه
من كثر مايعشقـك ماقالـك بالحـب رايـه
خايـف الايـام لاتطلـع عواقبهـا وخيمـه
وفي طريقك كل ماكنه لمس درب الهدايـه
تـاه ودروب الحيـاه المستقيمـه مستقيمـه
تايه بصري ومـن جابـه لبيـت الله تايـه
عذر من غمض بعين وعينه الاخرى كريمه
فدوتك مافات من الايام واللـي عـاد جايـه
يابعد عمر مخاسيره معـك عنـدي غنيمـه
انتي الفارع بقـد وجـد واسمـاء وكنايـه
من عشق مثلك يجوز من الهوى وشداد ريمه
ليه لا وانتي بحسنك لـذاوات الحسـن ايـه
لاذهب لاماس لاياقـوت لااحجـار كريمـه
شاعر له مع هل الرايات في المرقاب رايه
كل ماهبت هبوبـك فلهـا قـدر وحشيمـه
سامحك من الف باء الذنب الـى مالانهايـه
واستباحك عن خطاه وكـل طقـه بتعليمـه
ويوم قلتي اعطنـي حريتـي اطلـق يدايـه
ماذخر عن وجهك الا طعنتين في صميمـه
×