شوفي عزيزتي الحين اذا مسكتي المحتوى وجلستي تسمعين المحاضرة اكتبي مع الدكتور الشرح والامثلة اللي يقولها وخليك مركزه معه وبعد ماتخلصين امسكي المحتوى وذاكريه بتركيز وفهم مو حفظ
يعني مثلا تعريف الوصف والتفسير والتنبؤ والتحكم وهذي جاء منها كثير بالاختبار
كيف تفهمينها وتفرقين بينها
الوصف:نكشف حقيقة الظاهرة من خلال معرفة حجمها ووصفها ومدى انتشارها زي مثلا نسبة انتشار التدخين بالمملكة هنا ابى اعرف مدى انتشارها فعرفت انها وصف فأي شي فيه وصف او حجم او نسبة انتشار اعرفي انه وصف
التفسير:معرفة العوامل المرتبطه فيها والعوامل المسببه لها زي مثلا اسباب الغش لدى الطلاب هنا ابي اعرف السبب ومن خلال فهمي لتعريف التفسير انه يبحث في السبب فيصير الجواب التفسير او ماهي العوامل المسببه للتدخين. اي شي فيه معرفة اسباب او عوامل مسببه اعرفي انه تفسير
التنبؤ:قدرة الباحث على توقع حدوث الظاهرة او يستنتج ظواهر مرتبطه فيها . التنبؤ واضحه اي شي فيه توقع
التحكم : الاستفادة من نتائج البحث في التطوير والتحسين .اي شي فيه تطوير وتحسين زي تطوير وتحسين التعليم هذا يعتبر تحكم
وعلى نفس هالطريقة ذاكري وافهمي باقي التعاريف والامثلة