مثل النعاس اللي يداعب عيوني
إلينها تقفل على الموق الأهداب
دخلت قلبي في هدوء وسكوني
وهو بدوره رحب وشرع الباب
من قبل حتى مااعرف من تكوني
حبك تهادى داخل القلب وإنساب
واصبح وجودك مالي كل كوني
وان غبت احس الكون كله معك غاب
لو صفوا العذال دونك ودوني
لعيونك امشي درب الاخطار ماهاب
ياكثر مابأقرابي اللي جفوني
وياكثر مابالناس تتوالف أغراب
هذي حقيقة ماحصل ياعيوني
ماهمني صدقت ..أوقلت كذاب!!