مشكلة التسول هي في مكافحة التسول لم تقوم بعملها على أكمل وجه ونحن المسلمين فينا خير نعطي أي واحد يتسول وعندنا في المسجد يومياً من الجنسية اليمنية يتسولون وأحيانا في نفس الوقت ثلاثه يتسولون واحد يتكلم يمين وواحد يسار وواحد ماتدري وش يقول

صح .. هم لو مراقبين الوضع كان الحين قل العدد
وحلوه ماتدري وش يقول ههههههههههههههههههه

اقتباس:

انا اللي تعجبت منه باكستاني يشحذ في رمضان قبل الماضي أو اللي قبله أيام فيضانات باكستان قبل المغرب بنصف ساعة ذهب أخوي الصغير للمسجد بالفطور وأنا وأخوي الكبير ننتظره عند الباب الا والباكستاني اللي مايدخل مع الباب ماشاء الله معطيه الله صحه وجسم انا توقعت أنه بيسأل عن محل تفطير صائم الا والباكستاني يشحذ ويقول انا بابا ونفر كثير موت في باكستان يعني بسبب الفياضانات ويقول أنا محتاج بلهجة الباكستاني وابرسل فلوس لباكستان تعلّم من كثر مايشوف المتسولين

المفروض يروح يدور له وظيفه .. دامه بكامل قواه العقليه والجسديه

اقتباس:

ومرة في محطة وانا جاي من مكة لقيت مرسيدس شبح لوحات عمانية راعيه يتسول ويقول إنقطع على البنزين وأنا محتاج سلف وأرجعها لكـ

يا دافع البلاا .. والمرسيدس من وين جابها ..
ليته جاء مشي .. ولا النصب عيني عينك

اقتباس:

والأعجب من هذا كله مره عند الصراف وأشوف واحد واقف على رجوله ينتظرني أصرف أنا أول شي قلت يمكن بيصرف بعدي وبعدين قلت شكله بيسرق لأن شكله مشبوه وعيونه عيون اللي يبي شئ المهم إستعجلت ويوم جيت أبمشي جاء وكلمني ويقول أنا محتاج سيوله شوفوا كيف الإسلوب تسول بطريقه ثانية قلت له رح للبنكـ يعطيكـ سيوله

جاء فتره .. المتسولين يوقفون عند البنك .. اول ما تطلع الصرافه الفلووس
ياخذها وينحاااش .. والرجال ع ما يطلع من السياره يكون ابو الشباب قد هج
اذكر ابوي قالنا عن واحد من اصحابه انسرقة فلوسه بنفس الطريقه

اقتباس:

والأدهى من ذلكـ يوم زواج ولد عمي دخل علينا طفل عمرة 11 سنه يماني ولاأحد إنتبه له الا وهو قدام العريس ويقول قصيده ويمدح المهم أخذه أخوي برا وعطاه المقسوم وقال له توكل على الله قال ليه تقطع رزقي انا بدور على المعازيم كلهم قال الحين أدق على مكافحة التسول وتجي تشيلكـ

يا حلااااوه
اجل بيترزق الله ع حساب المعازيم

اقتباس:

وسبحان الله بعد مرور أكثر من سنه ولد عمي نفسه رزقه الله بمولود ومسوي عشاء عقيقه للمولود بإستراحه وسبحان الله الا ونفس الولد بيدخل والشباب كانو واقفين عند الباب ومسكوه قبل لايدخل المهم ونعلم ولد عمي ونعلق عليه نقول له شكلك مسوي شركة مع الولد هذا

المفروض دقيتم ع تبع التسول

اقتباس:

وأخيراً على طريق الشرقيه محطة ساسكو نزلنا بنصلي المغرب والعشاء وعند باب المسجد حرمه وولدها صغير تشحذ وبعد ماخلصنا من الصلاة سبحان الله أشوف الولد يروح من وراء المحطة وكانه ينتظر أحد أو يأشر لأحد قلت أبشوف آخرتها معهم ورحت من وراء المحطة الا رجال موقف سيارته وجاي يمشي للمسجد وحسيت إن الوضع فيه إن المهم انا بس قلت ابشوف آخرتها ودخل على المغاسل وانا أراقبه وغسل وجهه بس وتمضمض على باله يتوضى والا الحرمة تشيل أغراضها وولدها معها وتروح من وراء المحطه وتركب السيارة والرجال راح وراها المهم علمت خوياي اللي معي قلت بنبلغ عليهم ونراقبهم قالو مايمدينا وصدق الوقت مايسعف لأننا معزومين على زواج في الشرقيه

فعلا .. صارو يسوون قرووبات
والبطل اللي يجمع اكثر

كان اخذتم رقم اللوحه

اقتباس:

ومرة واحده اللي قلت لواحد ليه ماتشتغل طالع من محل ابو ريالين الا والشايب قدامي وعطيته المقسوم وركبت السيارة الا والولد الشباب عند باب السيارة شافني يوم أعطي الشايب ويقول والله ماعندنا شئ ناكله في البيت قلت له أنت إحمد ربكـ ولا فيكـ إعاقه ولاشئ إشتغل أي شغله لو تغسل السيارة وأعطيكـ 10 ريال المهم سكت ومشى

هذي المشكله .. انك تعطي واحد .. ويناهلوون البقيه
يحسبوونك قاعد ع بنك الراجحي ..
فـ يستغلوونك ..

انا اللي اعرفه ان الخطف يصير بمكه
يخطفوونهم وهم صغار ويلعبوون بحسبتهم (يشووهونهم ) وينزلوونهم في الحرم يشحتون
حسبنا الله عليهم

اقتباس:

الله يرزقنا ويزقهم وجميع المسلمين والحمد لله والشكر لله على النعمة

الله لا يبلانا ما بلاهم .. ويكفينا شر الحاجه والفقر

اسعدني تواجدك اخي درع

كن بالقرب