ملتقى طلاب وطالبات جامعة الملك فيصل,جامعة الدمام - عرض مشاركة واحدة - بقلمي الخاص { اللـــغـــــــز الـخــــــــامـس }

الــغـــدراء · 2011- 11- 3

اقتباس:

المشاركة الأصلية كتبت بواسطة امير باخلاقي

يالله يا ربنــا اتغيثنـا بالمــطر === مـن مزنـه عقربيـه هلت اردونها

الليله اللغز مدفـون في غبة بحــر === له موجة(ن) يقصر السباح من دونها
شبيت نار(ن) حطبها ماهو طلح وسمر === حطبها الاحمرين والنـاس ايعرفونها
معروف بأسبابك انتي معكرشات الوبر === على مراعـي جميع البـدو يبغونها
والموت غبن وقهر ليا حصل فيه غدر === بالرمح والقوس والفرسـان يبرونها
ان رحت فوقك جمر وان جيت تحتك جمر === وان مت ماتت كل جمره في غليونها
والجـرو ما ينقـال الك ياوليـد النمـر === ينقـال لولـيد حامي الـدار ويصونها
يجسها واحد(ن) ضـاري عليها ابقشر === ويجلها اللـي اتزين قضـت اقـرونها
ماعـاد ينفـع بكاك الـه بجنب القبر === وتشـوفه قدامك ليا ناظرت في عيونها
اخذت حقك عصر واخـذت ثارك فجر === وسويت سـواتاً غيـرك ما يسوونها
هذي نهـاية حيـاتك يا حياة القـشر=== صحيح فـارس وامثالك دايـم يطّرونها

----------

مو مقتنع بكلامي ؟

طيب بسئلك عن: ان رحت فوقك جمر وان جيت تحتك جمر >>كمثال بس ولا لو بناخذها واحد واحد بتطول السالفه

هذي ممكن تفسرها؟؟ انا الي اعرفة بلغتنا ولهجتنا العربيه

ان الي فوق يقال له طلع والي تحت نزل كان اولى لو قلت ان طلع فوقك جمر وان نزل تحته جمر -- برضة تكرار ان مرتين يسوي خلل باللحن والسياق

اتمنى ماتزعل من نقدي

خذ راحتك انا متأكد من كلامي !!
كلامك جميل ايش اللي صار طيب ( طلع - نزل ) ( راح - جاء ) ( صحا - نام )
الجمع بين لفظين متضادين.عكس المعني وهو طباق كلام النحويين مو كلامي ؟

انا اخترت الثانيه
اخوي طلع يعني بعد بلهجتنا صعود الشئ وتصلح على اي شئ مرتفع ؟؟؟؟
وممكن تكون بمعنى ذهب !! بس كيف اقول جاء ؟؟؟
التكرار بأن برضو يسبب تأكيد المعنى وإلا انا غلطان ؟؟
ان / حرف توكيد ونصب هذا كلام النحويين مو كلامي انا ؟؟

ما فيه شئ يزعل من اصله ... كبار الشعراء ينتقدون

http://www.youtube.com/watch?v=Fuloo...eature=related