/
\
ياللي خفوقي صار في كف يمناك ,., ومشاعري عن كل هالخلق بدوك
هالخافق اللي يوم ناديت لباك ,., واصبحت مع دم الشرايين مشروك
لا تجرحه دامه على الغير بداك ,., هالقلب لك يا سيد القلب مملوك
وانا ادري ان به ناس غيري تمناك ,., وبه ناس في حبي وقربي تحدوك
والله ما يسوون في الأرض ماطاك ,., لو كان من كثر الأكاذيب غثوك
تسابقوا كلن فزع يطلب رضاك ,., وفي ظنهم عن حب غاليك لدوك
ياجعل من خان المواثيق يفداك ,., وناسن بأسامي ماتليق بك سموك
ناسن لياجاء ذكرك العطر تشناك ,., ياليتهم بعيون مغليك شافوك
كم جابك الهاجس لعيني ووداك ,., وأفز لاجت سالفه فيه وأطروك
وصيتي لك كل ما حان ممساك ,., والنوم طيفه بين الأهداب مسفوك
عيوني اللي طول عمري ترجاك ,., سلم عليهم كان في الحلم مروك