***
شف للـ غلا .. شي .. قبل تطول غربتنا
آخاف كثر الغياب وتصعب الجيه
باللـه بالبعد قلي وش حاجتنا ؟!!
ما دام أخذنا ( الزعل ) حاجه طفوليه
نبغي نموت في بعضنا ما دام ما متنا
يا زين خل الأمور تصير عفويه
لا تفرح الـحاسدين بــ طول صدتنا
لا تنزع القلب وتقطع مجاريه
الأرض سكه تعدتها مساحتنا
جيش من الـ ح ـب خياله ورجليه
أعشوشب القلب وأمطر من صراحتنا
وحبال الأشواق معقوده ومطويه
لو إفترقنا يا عمري وش حجتنا ؟!!!
وإحنا نشوف الجفاء بانت مواريه
الله يوم الـنجوم تنام ما متنا
الطرف شاقي وطرف زايد غيه
على بعضنا اذا أقفينا تلفتنا
وكلن يغير من اللهفه طواريه
وأن كان نيتك بتقطع في علاقتنا
ما عاد عندك ياشيخ الغيد حنيـه
مرخوص بس خلنا نحفظ كرامتنا
قدامهم نترك الأوضاع عاديه
لا نشوف بعيونهم منا إهانتنا
ونزود الكيه اللي بالحشا كيــه
لكن فديتك لا نبطي ما تلفتنا
آآخاف من دمعتي لاتهل عفويــه
***