|
مهم لكل المنتسبين لا تفوتكم الفرصه ادخلوا
{مدخل}
وش رايكم في العنوان مخيف صح
السلام عليكم ورحمة الله وبركاته
هواين هواين يا الربع لا يخوفكم العنوان
بس اخترت عنوان مخوف عشان الكل يدخل ويرد علي
السالفه يا الربع وما فيها اني سجلت ها الترم بجامعة الملك فيصل
وعارضت مشاكل البلاك بورد والله يستر لا يكون انا السبب باللخبطه اللي صارت
لان حضي واعرفه دايم مكبر المخده وساحبها نومه.
المهم السؤال اللي محيرني وكل ما سألت طالب عطاني اجابه مختلفه
ولخبطوني وصرت ضايع وضايعاً جداي
سؤالي يا الربع عن المحاضرات المباشره
انا كل شغلي على المحاضرات المسجله والمباشره ما تعامل معها خير شر
هل تجاهلي لها رايح يأثر على اعمال السنه اللي هي 10 درجات
ولا اكتفائي بمشاهدة المحاضرات المسجلة رايح يمنحني 10 درجات
وإذا المحاضرات المباشره عليها درجات وش البرامج التي لا بد تكون متوفره بجهازك
وهل المحاضرات المباشره لها وقت . يعني مثلاً تكون متوفره بنظام البلاك بورد لمده معينه
وتنشال ..
وسؤال ثاني بس مو مهم زي الأول
كم رايح ينزلون لنا محاضره في الماده وكم رايح ينزلون لنا موضوع نقاش
{ مخرج}
عيدكم مبارك وكل عام وانتم بخير
|