ملتقى طلاب وطالبات جامعة الملك فيصل,جامعة الدمام - عرض مشاركة واحدة - [ تجربة شخصية ] : طريقة اخراج الماء من الاذن

بيان باراس · 2011- 11- 6

اقتباس:

المشاركة الأصلية كتبت بواسطة ملاك الغامدي

اولا الحمدلله ع السلامه

ثانيا .. تسلمي ع المعلومه .. بس اذا عود الاذان خطر

كيف ننظف الاذن من الصملاخ الزايد

وترى الاذن +القدم = لهم علاقه بالتوازن .. يمكن لجل كذا القفز ع الرجل

يطلع المويه من الاذن >

الله يسلمش ملوووكتي

حبيبتي لعيونش سويت هالتمثليه ع ابووي لاجل اجيب لش معلومه صحيحه 100% وواضحه لانه دايم يشرح لنا وانا افهي وهو مشغوول لو سالته بيقولي دامش فاضيه ذاكري انقليزيش << ي هو عنده تقديس للانقلش
^ ان كيدهن عظيم

.. اول شي حنا محظور عندنا بالبيت , الوالد طال عمره مايشتريها ابد .. وان لقاها عندنا ياخذها
اخذت له كوب نسكافيه ودخلت عنده المكتب ..>>

انا : ابوي خذ نسكافيه وترى حطيت فيها شوية سكر
ابوي : اهآا شكرا << اووم التسليك >> وكمل شغله

وقبل لاطلع بكل براءه

<< لاني عاارفه الجواب
انا : ابوي عندك عود اذن ؟
ابوي : لا ( بحزم ) , ليييييش ؟؟!!

انا : ابغى انظف اذني ..
ابوي : ؟؟؟؟؟؟!!!!!! لاااا خطر !!
<< ببراءه اكثر
انا : طيب كيف انظف اذني ؟!

ابوي : لاتنظفيها هي تنظف نفسها ..
<< فيسي ... << ؟؟؟ << ابوك ي النصب

ويتابع ..
تعالي .. ( فتح ع الصوره اللي قدامش )

__________________

جلدنا لابد يفرز دهن والاذن كذلك وهو عباره عن هذي الماده السائله اللي تتحول لماده جامده ( شمعيه ) ووجدت لحماية الاذن ,
اذا استخدمتي عود الاذن او اصبعك او أي شي فهذا شرح للخطوره اللي يقع فيها الكثير ,
شايفه طبلة الاذن في الصوره .. هناك في غدد تفرز هذي الماده .. و الدهليز اللي من الصيوان الى الطبله ( القناة السمعية ) ملئ بالشعيرات اللحميه بمئات الملاين لاترى بالعين المجرده وتظهر بالتلسكوبات الدقيقه , وظيفتها دفع الماده الشمعيه الى الخارج
وأليتها بهذي الطريقة :

هذي الشعيرات ( افهمي علي لاني مو عارفه اوصل لش الطريقه )
الشعيرات تتحرك باتجاه واحد وهو الى خارج الاذن يعني تنزل على تحت وبعده تطلع وتميل لجهة خارج الاذن .. بحيث ان كل شعيره تدف الماده للي بعدها ..الى ان يخرج الشمع لبراا .. ( وتنظف نفسها )
فاللي بيحصل يوم تستخدمي عود الاذان , انتي ترجعي الماده الى الطبلة وبكذا يضعف السمع عندش مع تراكمها , وتحصل التهابات خطيره جدا جدا + مع الاستخدام المستمر والمتكرر للاعواد
راح تقتلي هالشعيرات لانش تحطيمها تموتيها وبالتالي مافي شي يدفع هالماده يعني تتراكم عند الطبلة = أمراض خطيره + ضعف للسمع + لاسمح الله ممكن تسئ استخدامها وبالغلط تخرقين طبلتش << قولي السلام ع نفسش ..

اعملوا على تنظيف الشمع بالمنديل متى ؟؟
اذا وصل الشمع الى الخارج فقط ! وسار ظاهر
اما في الداخل لاتقربون ابد .. واتركوا هالماده لانها تحمي الاذن من الداخل .

حافظي على اذنش بالطريقة الصحيحه لا باللي تعودتي عليه .. لان البعض يشوف انه قرف يتركه واللي مايعيه انه المرض لو ازالها .

________________

<< حفظت الدررس عدددل