أنا مقـدر أكـون اني حبيـب في بعـض أحـوال
أنـا كـلــي أجـي ولا أروح بـعـزتـي كـلـي
تخيـرت الفـراق وما دريت ان الفـراق وصـال
أقـول اني نسيتـك بـس مـدري كيف تاصـل لـي
خذانـي لك سـؤال في عيونك والجـواب محـال
خـذانـي منك دمـع في عيـونـي ما رضـى ذلـي
رحلت انت وتركت بداخلي طيفـك وصبـر طـال
غـدت ذكـراك شمـس ما تغيـب وصورتـك ظلـي
حكيـت ما لقيـت من الحكـي الا النـدم مـوال
سكت ومت بالحسـره ولا أدري وش هو أحسـن لـي
أحبـك كـل ما فينـي يحبـك يـا خلـي البـال
تخيلتـك دواي وصـرت جرحـي الصعـب يا خلـي
تعبت أرحل مع وجيه البشـربانسـاك بالترحـال
ولا أدري وش يجيبـك في وجيـه النـاس واهلـي
** طلال الرشيد **