|
رد: عبر شعورك يالعضو واكتبه هوووون.....{الرجاء الإطلاع على القوانين بالداخل قبل المشاركة}
يالله عسى ماتكـره النفـس خيـره
والنفس ماتعلم تصاريـف الأقـدار
لو كل مخلوقٍ عرف وش مصيـره
مايبني الفلـه ويجمـع هـل الـدار
وأنا من صدوف الزمـان العسيـره
ليّه ثلاث شهـور ضايـق ومنهـار
أمشي مع العالـم ونفسـي كسيـره
وأكتم على جرحي بصندوق الأسرار
وأهـل عبـرات العيـون السهيـره
وأقهوي همومٍ على القلـب خطـار
صارت معاليقي من الحـزن ديـره
ألقابها جروحي على كـل مشـوار
|