مشكور على وضعك للاسماء
وهذي تبع دفعة 2004
دفعة 2005 تخرجت هذا العام وهي اكثر عددا من دفعة 2004
طبعاً لاتستغربون يا اخوان من قلة العدد لان دفعة 2004 واجهة صعوبات جمة لانها اول دفعه
لكن وضع الكلية الآن جداً تحسن والاهتمام بالطلاب اكبر والمضمون صار اقوى
ولا اخفيكم ياشباب انها كلية واعدة ومنافسة وتمشي على المسار الصحيح ان شاء الله
ودفعة 2004 كثير منهم توفق بشركات كويسه واعرف بعض منهم توظف في ارامكو , سابك , سكيكو , موبايلي , مستشفى الحرس الوطني وشركات خاصة اخرى
والكل طبعاً يبي يعرف الرواتب بشكل عام .... ولكن عشان اقرب لكم المسألة هي في البداية تعتمد على توفيق الله لك عز وجل
وثم تعتمد على امور اخرى مثل تميزك بالدراسة والمعدل اللي يسمح لك تنافس المتقدمين الاخرين ويعطيك فرصة افضل للتوظيف
ولكن كراتب اساسي يتراوح المدىبين 7000 الى 8500 راتب اساسي غير البدلات
وبعض الشركات تعطي ثلاث رواتب بالسنة لبدل السكن مع بدل نقل يتراوح بين 400 - 600 ريال
وفي شركات مثل ارامكو وسابك تعطي راتب لكل عيد (الفطر والاضحى)
طبعاً نحن الان نمر بفترة ازمة عالمية تسببت في ان كثير من الشركات الكبرى مثل سابك وارامكو وغيرها بانها توقف التوظيف مؤقتاً
فاصبحت الفرص اقل نوعاً ما لكن الرزق عند الله رب العالمين واللي علينا حنا نجتهد ونعمل باقصى جهدنا والتوفيق من رب العالمين
طبعاُ دفعتي 2005 اللي تخرجو سمعت ان 7 من الشباب توظفوا منهم
3 طلاب معيدين بالجامعة وهم من المتميزين
وطالبين حصلوا على عمل في Riyad Capital وهو فرع استثماري لبنك الرياض في الرياض
براتب وقدره 7000 كأساسي غير البدلات الاخرى
وطالبين اخرين حصلوا عمل بشركة يوكوجاوا اليابانية (لها اعمال مشتركة مع سابك وصافيولا وغيرها)
براتب تحت التدريب لمدة سنة وقدرة 6400 مع السكن ... وبعد نهاية فترة التدريب تصل رواتبهم الى 700ا و 8500
نتمنى لكم التوفيق جميعاً
واي استفسار حنا بالخدمة