بسم الله الرحمن الرحيم
السلام عليكم ورحمة الله وبركاته
قصة زوجه اعجبني تصرفها مع زوجها
وحبيت انقلها لكم لتعم الفائده للجميع
ذكاء حرمه زعلها زوجها وخلته وبالقوه يبوس ايدها وراسها
فاالبدايه تقول كنت زهقانه مرة لان زوجي صار له فتره مشغول مرة وماعنده وقت حتى يجلس معي اففففف
يوم الاربعاء قالي انا الخميس فاضي ياسلااام
اتفقنا نطلع ليلة الجمعه نروح مطعم ولا اي مكان بس قال لي مانطول برا قلت مو مشكله
يوم الخميس كنت متشققه لان بنطلع وقاعده ارتب للطلعه ماتغديت ثقيل على اساس اتعشا براحتي
واتصلت على امي علشان اصرف ولدي ههههههههههههههه
جهزت عباتي وقررت وش البس
وكويت لزوجي ثياب
على المغرب كنت جاهزه مو باقي الا اتصال منه علشان البس
جاني الاتصال
آسف حبيبتي مانقدر نطلع الربع متصلين علي واصرو الا نتعشا مع بعض !!!!!!
<<<اختكم صارت نفسها شينه
قلت له بكل برود وعلى غير عوايدي خخخخخخخخخ اوك حبيبي خذ راحتك
فكرت في طريقه احسسه بالندم واحسسه اني كنت محتاجه لطلعه ومحتاجه اكون معه
قمت ودخلت المطبخ وسويت كيك وحلا على السريع وجهزت دلة القهوه والشاي
اتصلت على أخو زوجي الصغير قلت له تعال فوق ابيك
يوم جاء عطيته الاغراض قلت له ودها لديوانيه الي يقعد فيها اخوك <<يعني زوجي
وكتبت بكرت صغير حبيبي ابيك تستانس مع ربعك واتذوقهم شغل زوجتك
ونهاية الكرت ((( استانس بوقتك احبك ..))) حطيته بظرف وقلت لاخو زوجي يعطيه الكرت بدون محد يشوف
سويت عشاي وتعشيت مع ولدي وقعدنا نطالع التلفزيون حسيت باالتعب على الساعه 11 وكان زوجي الى الحين مارجع
رحت نمت مع ولدي
صحيت الصبح من النوم كان يوم الجمعه اجازه لقيت زوجي مو جمبي وولدي مو بسريره بس تدرون وش لقيت جمبي
ورده وبطاقه مكتوب فيها حبيبتي اليوم عازمك على غداء بالمطعم الي تحبين اكله وبعدها نروح الملاهي انا وياك بدون الولد
شوي والا زوجي داخل علي يقول لي حياتي مجهز الفطور حابه تفطرين معي؟
سالته وين الولد قال وديته عند امك وديت كامل اغراضه وقلت لها تخليه ينام عندها الليله
بعد الفطور طلعنا رحنا المطعم وجلسنا نسولف ساعتين او ثلاث وبعدها رحنا للملاهي واستانست مرة
على المغرب رجعنا البيت قال ابروح اصلي بالمسجد وانا كنت بالبيت
رجع من الصلاه يقول لي شيلي بدلتين لي وبجامه بشنطه وشيلي لك ملابس بعد !!!!!!!!
تتوقعون ليش ؟
يقول عازمك الليله في فندق ونغير جو
ياااااي ماتوقعت الكيكه والحلا الي ماكلف من وقتي اكثر من ساعه بتسوي فيه كل هذا وناااسه من قلب
بالفندق باس راسي ويدي قال لي سامحيني ندمان على الي صار امس ماتوقعت انك تفضلين راحتي على راحتك هالكثر
يالبى قليبها والله لم ينجح احد