سر ياقلم واكتب كلامي بعـد ماطـال السكـوت
كلمة وفا وابغاك ياراعـي الوفـا تفطـن لهـا
الناس في الدنيا تعيـش واخـر العمـر بتمـوت
كالشجره إلي مرها العبـد وجلـس فـي ضلهـا
الكـل يفنـا ماعلـى الدنيـا مقـر ولا ثبـوت
بعـض المنـاوي يتعـب الرجـال مايصلـهـا
اهـون بيوت الخلـق عنـد الله بيـت العنكبـوت
واعظـم بيـوت الله ليـا قـدر هدمهـا كلـهـا
تب قلب ما تطوى السنين وموعد التوبـة يفـوت
صم .زك.حج.وجاهد وكـل الفرايـض صلهـا
اذكر نهار يصير قبرك بيت من ضمن البيوت
واهـل القبـور الله يعلـم قـوم وش يحصلهـا
ينزل عليك من السما مرسول لا وصلك تمـوت
والروح مـن بيـن الضلـوع الضيقـات يتلهـا
في ساعتة(ن) والصدر ما بين التضايق والكبوت
كل العلوم إلي تـراى فـي القلـب فمـك يهلهـا
يالله تجعـل قوتنـا يـوم القيامـة خيـر قـوت
يامـن تعـز بعزتـك قـوم(ن)وقـوم تذلـهـا
هذه نصيحة قلتها مير السموحـه فـي البيـوت
اخذ النصيحـة وانتفـع وامـا القصيـده خلهـا
نصيحة(ن)برفع بها صوتي وازيد الصوت صوت
اقولهـاا وإلـي عقـد رووس الحبـال يحلـهـا