يغارون يغــــــــــــــارون ولا حتى يموتون
حبي لك فوق الخيال وفوق حتى الاحتمال
لو يطاردنا الحسد من عينهم وقت السكون
لو يلاحقنا حكيهم ما بيلقى له مجاــــــــــــل
ياحبيبي لايهمك حكيهم مهما يقـــــــــــولون
حبي لك يابعد روحــــــــــي فوق كل الي يقال
جننونا النـــــــاس والله ما درينا وش يبون
كل ما قلنا هدينا رجعـــــــــــــــــونا للجدال
يطلعون وينـــــــــزلون قصدهم فتنه تكون
بيني وبينك حبيبي قلهم هذا محــــــــــــــال
ودنا بس نفــهم ليش منا يغــــــــــــــارون
ليش غيرتهم تزيد من دلعنا والـــــــــدلال
كأن ماربي ما خلق غيرنا في كل هالكـــون
وين ما نمشي ورانا بكثرة القيل والقـال
حسبي الله عليهم زودو فينا الظــــــنون
من حبنا وش عليهم حاسدين الجـــــمال
شي غريب وما فهمته حاسدين ويصلون
ياخوفي ان الحسد في شرعهم حكمه حلال
اسمع كلامـــــــــي يا حبيبي وخلهم يولون
لو سمعنا حكيهم بعدنا اصبح بالســــــــهال