لاتنشغل فيني انا بحالي ادرى ========== قلبن تعلق فيك ينسى مع الوقت
اكثر من اللي صارلي ويش يجرى ========== بين الرجاء واليآس بفكري تعلقت
مثلي ولو شفته عن همومه ازرى ========= ماقال ليتك في جروحه ترافقت
هاكـ القصايد لآتضايقت واقرى ========= شف وش كثر فيها لبسماتكـ اشتقت
اثر الوفاء ينباع عندكـ ويشرى ========= ماكنت اصدق فيك واليوم صدقت
يامشتهي فرقآ المواليف حذرى ========= تبعد وانا من سكرة الحب مافقت
لاطافت الفرصه تحريت الاخرى ========= وتروح ماكني عليها تشوقت
ساري لو أن الليل مافيه قمرى ========= اشيل من حمل الهوى فوق ماطقت
لاصار حظ اقشر والايام قشرى ========= مافيه احد عاقل يلومكـ إليا ضقت
صحيح بعض البشر فرقاه بشرى ========= وبعض البشر لاغاب ليله تضايقت
ليتكـ خذيت بليل الاحباب مسرى ========= غربت من كثر الطواري وشرقت
السيل يبقى له ع القاع مجرى ======== ويبقى لكـ التذكار لو كنت فارقت