في عالم الموضه وتطوير التكيت
نازل وطالع والسبايب تذكره
وانا على وضع البداوه ماشكيت
عزمي قوي واللي شكرني بشكره
ثوبي مع الغتره ..عقالي والجاكيت
مارحت في الاسواق اتبّع جيكره
وهذي تبي مزيون شكله كيت كيت
وهذي مع واحد غريب مشنكره
وهذا يقول ابوه تاجر في الموكيت
وسيارته تحتاج بعض السمكره
والثاني اللي في مصر بيده باكيت
جالس ينقط وراح وقته كركره
دقق معي ياصاحبي لا من حكيت
واحفظ كلامي واذكر اللي تذكره