|
رد: اللي درست ماجستير رياضيات تدخل الله لايهينهاا
أنا مو دارسه ماستر في الدمام لكني أخذت البكالوريوس هناك. ماأعرف بالضبط عن صعوبه و سهوله المواد هناك لكن أتوقع هذا يعتمد عليك و على الدراسه السابقه لك و على الدكتور نفسه كمان. اللي أعرفه إن الدراسه في كليه الدمام تطول لأن مافي دكاتره كفايه للتدريس و أخر خبر سمعته إن ممكن توصل إلى 4 سنوات للماستر و مقارنه مع جامعه الملك سعود مثلاً تاخذ بس سنتين يعني ضعف المده. باالنسبه للقبول فالأعداد اللي تنقبل قليل لأن مافي مقاعد كفايه و لاتنسي طبعا الواسطات يعني تقدري تقولي الواسطات ماخذه المقاعد كلها تقريباً  . يعني إحتماليه القبول مش كويسه لكن أنا نصيحتي لك إنك إذا فعلا راغبه إنك تدرسي هناك و تكافحي قدمي و إهتمي بإختبار القبول لأن هذا اللي راح يخليك تدخلين. إذا ضمنتي إمتحان القبول تقدري تتكلمي و تقولي ماقبلوني على عكس إذا كانت درجتك مش كويسه. لكن بالصراحه أنا أقولها لك بكل صراحه كليه الدمام مو أحسن مكان لدراسه الرياضيات. هذا يعتمد عليك طبعا و على رغبتك إذا إنت حابه دراسه رياضيات بجد أو بس دراسه إسمها رياضيات و تمشي الحال. إنت بإمكانك تختاري أي مكان يعجبك و تحاولي تدخلي الجامعه اللي إنت حابه تدرسي فيها.
|