هذاك أول تجرحني ويغصبني غلاك واجيك
لكن اليوم بعاند غلاك وأعلنها تحدي
صحيح احبك وصحيح بداخلي اغليك
لكن قررت أهاجر وعاند كل ودي
خواطري في كل ليله تناديك
وتذرف دموع الغلا من فوق خدي
كل ليله اصرخ باعلى الصوت انا ابيك
لكن اذكر تحدينا واقول يا نفس هدي
صحيح ما بها الدنيا احد يساويك
وانك ملكت الروح وصرت حزني وسعدي
صحيح كل بيت اكتبه منك وفيك
وانك هناء روحي وفلي ووردي
حتى على القريب انا مغليك
ولا يقدر يرد الغلا امي وابوي ولا جدي
إن كان تبي ارجع عن عنادي واجيك
عاهدني ما غيري بها الدنيا تودي
والصحيح من خلقت الدنيا انت ليا وانا ليك
لكن حبيت أعلن على غلاكم تحدي
ادعي عسى ربي على الدوم يخليك
وتعزف ألحان حبك على أوتار ودي