|
رد: فيه احد عنده نفس مشكلتي ؟؟؟؟؟؟؟
أختى الكريمه أم البواسل تركيز بسيط من عقلك الكريم للي بقوله لك
المشكله طال عمرك مع كل الطلاب والطالبات وتصريح النجار واضح يااختي يقول اللي حلوا الواجبات وشاركوا بالمناقشات ودخلوا النظام الجديد ولاحصلوا مشاركاتهم لايخافون درجاتهم محسوبه لهم لاكن لو يعيدون المشاركه يكون زيادة الخير خيرين هنا لازم الطالب يوقف ويدقق ويحلل كلامه لو افترضنا ان كلمته يعيدون المشاركه بالمناقشات يبي الطلاب يهتمون اكثر بالدراسه مااتوقع شخص بعقلية ومنصب ومستوى النجار يكون هذا قصده خصوصا ان تصريحاته محسوبه عليه لانه بهالحال يكون أقترح شي يشكل عبْ وحمل على الطلاب ماهم مطالبين فيه من الجامعه رسميا واذا كانت درجاتهم موجوده من الاساس وقصده أنه يطمئن الطلبه مااعتقد ان عقل النجار عجز أن يصرح ويقول ان درجات الطلاب اللي شاركوا بالنظام القديم موجوده ولو اعادوا مشاركاتهم ماراح يستفيدون من الاعاده لانها بالاساس موجوده كذا يكون خفف التوتر ويكون الكلام أقوى من ناحيته وأكثر قبول للمصداقيه من ناحية الطلاب حول تصريحه لاكن تحديث النظام والتخبط الواضح اللي صاير فيه والكل شايف هالشي ألزم وأجبر سعادة الدكتور النجار أن يصرح لنا بهذا التصريح ويقدم لنا طبقأ من الذهب يمكن تتعجبين من الكلام اللي قلته لاكن اللي يزيد العجب بالموضوع أن تحليل التصريحات طال عمرك كان أكبر فايده لطالب زميل لنا بالجامعه كانوا يقولون النسخ واللصق بالمناقشات يلغي الدرجات صدقهم هذا الطالب لأنها خاصيه بسيطه بنظام البلاك بورد السابق حق الجامعه اللي من سنة جدي بس يوم قالوا كلمة شكرا وعفوا والبسمله والسلام لايقبلها النظام ولاتحتسب له درجه هنا زميلنا الطالب شغل عقله وقام يعاند الكل كان ناوي يشارك بمشاركات فعاله ومفيده بس علشان كلمتهم هذي كانت كل مشاركاته بالمناقشات زي كذا تتتتت ببببب ننننن علشان يثبت للناس الي نصحهم أن تحليله سليم وصحيح والغريب أنه أخذ الدرجات كامله والسبب بسيط لأن السستم حق الجامعه من سنة جدي ماهو سستم السي آي أي ولا الأف بي آي بعض زملائه وبعض الأعضاء قالوا له أنت بايعها أنت خبل أنت أنت أنت ... الخ
وإذا كان قصدك طال عمرك تسألين عن طبق الذهب اللي ذكرته ماراح أقولك أن الإختبارات المستوى هذا راح تكون سهله مره لأنهم عارفين أن تحديثهم للنظام سبب التشتت الكبير للطلبه وسبب تأخير نزول أغلب المواد إلى يومك هذا وسبب دخول مواد قديمه مع مواد جديده داخل النظام .. إلخ لاني لو قلتلك هالشي هذا يمكن ماراح يصير
وإن كان قصدك تسألين عن الطالب اللي شارك بمنتديات النقاش بجمل غير مفهومه مثل تتتت كككك مممم وأحذ درجاته كامله ماراح أقولك أنه أنا لأنه يمكن مايكون أنا
وإن سالتي ليش كل هالكلام الطويل هذا موجود برد أحد الأعضاء اللي هو أنتي ولاحطيته بموضوع عام ماراح أقولك لأنه راح يحذفونه لإنه يمكن مايحذفونه
وإذا سألتي ليش أنا بالذات توجه لي هالكلام ماراح أقولك أني أنفجرت من الداخل واخترت إنفجاري يكون لعضو وعلى شكل رد لضمان السريه خاصة أن صاحبة الموضوع أم وضياع وقت الأم ليس كضياع وقت شخص آخر
وإن سألتي وسئلتي وسئلتي فلن تجدي كل يوم من يجيب بصراحه فهناك على الإنترنت سياسة العرض والمشاهده وماذكرته ينافي هذه السياسة 180 درجه وهناك من يدرك هذا الكلام ولكنه يشترك معي بصفة واحده وهي مبادئنا وعقولنا وكلامنا كلها تتصادم مع هذه السياسة
وأن سألت نفسي عن شخصك الكريم فلن تكون إجابتي أنك مقتنعة بما قلت لإنك ربما تعودين غدا لكتابة مواضيع من طراز (البلاك بورد فتح البلاك بورد طفى الواجب نزل الواجب أختفى) وأعذريني مجرد تكهن وليس حكم على عقليتك فأنا لاأعرفك وأعتذر عن إطالتي بالكلام في موضوعك الكريم
غالبا لاتبدو الأمور كما تظهر فعندما ترين أقنعة الأكسجين في الطيارة لاتظني بأنها وضعت لكي تضمني التنفس عند حدوث خلل بالطيارة فهناك مادة مهدئه بداخل القناع نستنشقها لنتقبل مصير الموت بهدوء فأي عقل يزودكي بالأكسجين على أرتفاع الآف الأقدام والطائرة تسقط .gif "(107)")
أبو نشوان
|