السلام عليكم ...
كل عام والجميع بخير
بلا مقدمات ... من يوم قالو حج وانا اللي اسحب على المنتدى والدراسه ولا ادري وش صاير
بس قريت على الطاير انه تغير البلاك بورد وصار شي ثاني ( حنا مافهمنا الاول عشان يجيبولنا ثاني )
دايما احس اني منحوس مافي شغلة ادخلها الا تحوس دايما دفعتي في الدراسه يااما تتغير المناهج يااما تتصعب الامور وفي الجامعه هذه نفس الشي من يوم سجلت والمشاكل تتوالى الظاهر البلا فيني :(
المهم .. قبل اكثر من شهر يمكن .. دخلت البلاك بورد وحليت كم واجب حتى ناسي في اي مواد حليته .. وحملت محاضرات ...
والحين دخلت على الافتراضي وماادري انا شو حليت وشو تركت .. السؤال كيف اعرف ؟ ولا ارجع احل واحمل محاضرات من جديد ؟؟ وهل الافتراضي يسجل الدرجات ولا مقلب كمان كعادة الجامعه في تغيير الانظمه ؟ (سؤال شاطح : تحميل المحاضرة كفاية ولا لازم مشاهده ولا شو نظامها بالضبط)
ومثل منتم ملاحظين تكلمت عن الواجبات وعن المحاضرات وماتكلمت عن المناقشات .. لأني مااعرف لها ابدا ولاني فاهم كيف اشارك او ايش اكتب ولا انسخ اي رد قبلي وماادري اصلا وين ادخل عليهاا ووين اكتب المناقشه وكيف اعرف انه درجتي انحسبت ولا لا ....
هذا اللي عندي وباقي شهر بالضبط عالاختبارات :( وانا والله يومي هذا بالضبط نفس يومي قبل شهرين تقريبا .. نفس الضياع والحوسة والفجعه والربكه :(
سااااااااااااعدوني ولو في شخص يراسلني عالايميل يكون افضل حتى افهم حبة حبة وربي مااعرف افهم في شروحات النت ولاتلوموني ليااااا زمان غير متفرغ للشغلات هذه ونطلب الله شهادة الجامعه ...... بارك الله فيكم