|
رد: جدة.. مشاريع تسابق المطر
تم تنفيذ المشاريع ... او بالاحرى جاري تنفيذ المشاريع ...
بدا التنفيذ لها شهر 11 اونهايه 10 يعني موسم السيول يعني بتغرق جده والمشاريع ماانتهت 
شفنا دحين كم شي خلصوه وكسرو حديقه في الجامعه ولغايه دحين يهندسوها معرف اش بيسوو
وفي مشروع في الحمراا ...وفي كم مشروع في السكك ...<<هادا اللي شفته 
قريب راح تسمعو العروس تغرق للمره الثالثه
يارب لوجا سيل يكون خفيف يااارب ..خلصو سكان جده
يااارب استر علينا وارحمنا برحمتك ..
...المشكله رغم السيول وشوارع جده المكسره وزحمه المطاعم والشوارع ...
تقول لاي واحد من السكان نخرج برا جده يقوول لالا وكانك قلت له سوي منكر
ومن ضمنهم اهلي اترجااهم نسكن برا جده موراضيين يقولو مافي اي مدينه زي جده صحيح جده مافي منها بس خلاص نغير جو 
يلا الحمدلله لو حنموت حنموت لو نهرب في اخر الدنيا <<ع قولتهم الموت مع الجماعه ارحم .. 
الله يسامحك دكرتيني بالسيول والمنااضر اول مره نزل سيل رحت وشفت بعيوني
اااااااه مناااضر مبكيه اللي نزل في اليوتيوب والجرايد اهون من اللي شفته 
في حريم كفوفهم مقطوعه وهم ميتين ... في مجموعه حراميه كانو يمسكو الحريم الميتين ويكون في ايدهم دهب يقطعو كفها وياخدو الدهب .. لاحول ولا قوه الا بالله (مصائب قوم عند قوم فؤائد)
اللهم ارحم موتانا وموتى المسلمين ...
يارب ارحمنا وارحم سكان جده برحمتك يارب
|