ملتقى طلاب وطالبات جامعة الملك فيصل,جامعة الدمام - عرض مشاركة واحدة - للدوافير.. والدوافير.. فقط..!! ( محاسبة تكاليف )

ابوي نبض قلبي · 2011- 11- 15

اقتباس:

المشاركة الأصلية كتبت بواسطة محمد الحسني

طيب ممكن مساعده شرح اختبر نفسك فقط

2و3و4 في نهاية المحاضره 11

بشرحها لك اخوي على حسب مافهمتها

والاسئلة للي يبي يستفيد ص112 +ص113لملخص الاخت بزنس

نقول بسم الله

في الفقرة الثانية اللي طالبه مننا التكاليف الصناعية خلال الفترة صح

وعندنا قانون يقول

اجمالي التكاليف الصناعية خلال الفترة = تكلفة المواد المباشرة +تكلفة الاجورالمباشرة +تكلفة صناعية غير مباشرة

نعوض على القانون بقيم كل وحدة

لاكن لاحظنا انه مو كل القيم معلومة في بعض القيم مجهولة لابد من استخراجها /

تكلفة المواد المباشرة = ؟؟ "مجهوله القيمة " يعني لازم نستخرجها

تكلفة الاجور المباشرة = 8000 "معطاه بالسؤال "

تكلفة الصناعية غير مباشرة = ؟؟"مجهولة القيمة " يعني لازم نستخرجها

نبدأ اول شيء نستخرج تكلفة المواد المباشرة حتى نقدر نعوض بالقانون الاساسي لاستخراج التكاليف الصناعية

الحين سؤالي كيف نستخرجها ؟؟

بقولك كيف لازم نسوي خطوتين صغآر حتى نوصل لها

الخطوة الاولى /

نجيب قيمة تكلفة لمواد المستخدمة

وفيه قانون لها يقول

تكلفة المواد المستخدمة = تكلفة مواد خام مشتراه خلال الفترة +مخزون اول العام - مخزون آخر العام

الحين نعوض بقيمهم من المعطيات الموجودة بالسؤال

تكلفة المواد المستخدمة = 15500 "مشتريات "+3000"مخزون اول العام "-1500"مخزون آخر العام

تكلفة المواد المستخدمة = 17000

الحين بعد ماجبنا قيمة المواد المستخدمة نبدأ بالخطوة الثانية عشان نجيب المواد المباشرة

الخطوة الثانية /

نأخذ تكلفة المواد المستخدمة "القيمة اللي استخرجناها قبل اشوي " ونطرح منها المواد غير المباشرة حتى تعطينا قيمة المواد المباشرة

نبدأ نعوض

المواد المباشرة = 17000-5500
المواد المباشرة =11500

وبكذا الحين نلاحظ انه

المواد المباشرة = 11500
الاجور المباشرة = 8000
تكلفة الصناعية غير مباشرة =؟؟ للحين مجهولة

فنستخرج الحين قيمة ت .ص.غ. م

من خلال جمع عناصرها

اللي هي مواد غير مباشرة +اجور غير مباشرة +استهلاك الآت المصنع +ايجارات المصنع +تأمين ضد الحريق على المصنع

وبس نعوض بقيمة كل وحده يصير /

ت .ص.غ.م = 5500+5000+1000+500+2000

تكلفة صناعية غير مباشرة = 14000

خلآص الحين تعرفنا على كل القيم اللي نبيها لاستخراج التكلفة الصناعية خلال الفترة

بس نعوض تعويض مباشر بكل قيمة

اجمالي التكاليف الصناعية خلال الفترة = تكلفة المواد المباشرة +تكلفة الاجورالمباشرة +تكلفة صناعية غير مباشرة

اجمالي التكاليف الصناعية خلال الفترة = 11500+8000+14000

اجمالي التكاليف الصناعية خلال الفترة = 33500 ريال

.
..الاجابة الصحيحة هي D

وبس هذا بالنسبة للفقرة 2

والفقرة 3 و 4 تراها اسهل من هالفقرة بشرحها برد ثاني عشآن يصير ارتب