|
رد: بالليل منيب جنـــــــــــي وشغل القوايل مهــــونه
الله يسعدتس
انا من يوم شفت العنوان ضربت الاسلاك واخترب عداد فهرس مخى 
وطرا لى قصيده ياناشدن عنى ترانى شيليويح مدرى وش دخلها 
ولما دخلت ولقيت الخبز الحار والجبن السائل دريت ان الامر جلل والخطب عظيم
الحرب اللى اعلنتيها كلنا اعلناها بينا وبين انفسنا لكن لا حياه لمن تنادى
احيانا اقعد مع نفسى ودى اصيح  يومى مو لى ابد ابد 
المشكله على قولت امى المفروض انت اعلى معدل 
البنت الوحيده بالبيت وظيفتى عطونى اجازه هالشهر 
والشغاله مكفيه بالمطبخ بس يوم جينا للجد لين 90بالميه من البيت على 
الا وهم توم وجيرى عيال اخوى كل يوم من العصر لين 11 بالليل وهم عندى 
وياليتهم يخلونى اعرف اذاكر تخيلى يدخلون على وانا نائمه يصحونى
واذا صحيت
قالوا لا تنامين ولا تصلين 
ودى اسوى فيهم تسذا 
مشكلتى مو الملتقى لا مايشغلنى ابد
اللى يشغلنى هالرباعى صرت اسميهم المداهمه  والقوات الغاشمه
حتى لجيت انام اقفل غرفتى وما اقوم الا على طقطقتهم على الباب 
العيال اذا شافوا امهم بالمطبخ استغلوا الفرصه وسرقوا انفسهم يمى
واذا قلت لهم مشغوله يبكون نبى نقعد مانبى نروح اخوانى يقولون ياصبرتس عليهم تعرفين رجال ماعندهم صبر
امس قلت خل ادخل الملتقى اتحمس لان والله قسمى الاعضاء فيه يحمسون جزاهم الله
خير
بس ان شاء الله اليوم بسوى انقلاب على هالرباعى 
دعواتس اكسب القضيه 
ومشكوره على الموضوع 
اللى خلانى افضفض اللى بخاطرى  
|