|
تحذير للعضوات من اعطاء البريد او اي وسيلة اتصال شخصية الى اي عضو سواء كان ذكر ام انثى
منتدانا وصلك من المخايل مخيله
برقها فالحجاز وسيلها في تهامه
--------------------
والرحى يطّحن لك كل يوم(ن) وليله
يالله انه بسترك لا تقوم القيامه
---------
الليالي صفت لمن حياته ذليله
نوب صيده غراب ونوب صيده حمامه
----------
البلا الهندي اللي هارب(ن) من كفيله
هارب(ن) بالجواز ومزور(ن) بالاقامه
-----------
ليت راع الجبيل سالمن من جبيله
كان مامسك وجودوه بخشمه وزمامه
-----------
اطيب الخيل اكحيلان وإلا الكحيله
الله انه لا يعودك يوم ابرق الرغامه
-----------
ما كل من يحط الحمل يقدر يشيله
ولا كل رجل شرط له عقال وعمامه
----------
الرجوله تبي رجل(ن) يعدي الطويله
ما يجيه أي عرق من عروق الرخامه
----------
يقدح من زنده وعقله دايم دليله
الموقف الغصاب للي خواله عمامه
----------
الرجال الرواسي معدلة كل ميله
ومشرفين المنتدى حارسينه بنظامه
----------
عيب(ن) على شاربك وفشيله للقبيله
ومن يعمله عمل بكره يلقاه قدامه
-----------
والله ان ابياتي اشوفها فيك قليله
لكن لا تنسى ان الرجوله فيها شهامه
-----------------------------
|