يسألوني ليه أعامل ساحة الشعر بشراسه
من سألني ماهو إلا واحد ٍ ضمن الجواب
من كثر ماكنت أقابل بالشعر جور ونحاسه
صرت أشوف إن الأوادم صدقها وهم وسراب
صرت أجامل كل وجهٍ يضحك وخلفه خساسه
صرت أعرف شلون أفرق بينهم صقر وغراب
صارت الضحكه أماني تلبس عيون التعاسه
والبشر تخفي رداها من ورى بعض الثياب
كنت أظن إن الأوادم ترتقي بعلم ودراسه
لين شفت اللي يشيب شعري بعز الشباب
شفت أنا شاعر طموحه ماتعدى عن مداسه
مثل بنت ٍ بالمثنى تدعي الستر بنقاب
شفت أنا قلب ٍ تعدى حاجز الطيب بحماسه
ومالقى من طيبه إلا بالبشر ظيم وخراب
قلب ٍ يعيش الليالي كلها صدق وسلاسه
وإن ضحك ليله تحرى من ورى صبحه عذاب
وياطويل العمر تكفى .. بدل كلاب الحراسه
طالت المده وحنا ننتظر منهم جواب
مبدأ الذمه تلاشى .. هده الواقع وداسه
والجهل خلى الأوادم تمشي بعين وحجاب
ومن سألني ليه أعامل ساحة الشعر بشراسه
يدري إني في سكوتي أعتقه وأكسب ثواب