صح كلامك اخوي زيدان بصراحه كان بكتب بهالمشكله بس ما كنت اعرف وش الاسلوب اللي بيناسب الاعضاء اللي بالمنتدى
بصراحه واللي يبي يزعل يزعل فيه مواضيع تبين ان اللي كاتبها شخص صغير بالسن ومهمته بس يكتب
واللي يقهر اكثر يكون فيه موضوع استفسار ويجي واحد يعيد نفس السؤال ويجي رد ثالث ويكتب نفس السؤال طيب انت ما شفت الردود قبل لا تكتب استفسارك ؟؟!!
وبصراحه اكثر اغلب اللي يسوون هالحركه البنات ما ادري وش يحسون فيه
وسالفه هالبلاك بورد طيب اذا ما اشتغل عندك فيه ايقونه ثانيه اسمها نظام التعليم الافتراضي روحي شوفيها
لا اهي مصره على البلاك بورد القديم
والمشكله الاكبر تسال وينها فيه ؟؟ يعني لازم نصور لها علشان تشوفها ما راح تتعب نفسها تدورها تبي كل شي على الجاهز
وشي ثاني انت كتبت موضوع عن واجب احد المواد تجي وحده ثانيه وتكتب نفس الشي المشكله ان موضوعك تحت موضوعها يعني اهي بتشوف موضوعك
واللي يزيد قهر يجي ثالث ويسال لك عن واجب نفس الماده اللي كاتب حلها في موضوعك الاول !
وش رايك بس
بصراحه انا من شفت هالمهزله تركت المنتدى بس مرور الكرام اشوف وش الشكاوي الجديده
صرت اعتمد على نفسي واي شي اكتبه او استفسر عنه اروح لموقع الجامعه نفسه ما اضيع وقتي هنا
اسمحو لي على الكلام بس من جد واقعي وصاير ولا احد ينكر هالشي او يرقع