|
رد: عندما تكون لي دولة سأقترح ضحكتك نشيداً لوطني ..
همسة غلا جتني على غير ميعاد
يازين همسات الغلا بيـن اهلهـا
همسة غلا جتني تباشير وسعـاد
بحضورها عيني فـرح تبتهلهـا
اخيل برق الوصل يتبعـه رعـاد
يمطر على روحي ويروي سهلها
عادت سعادة ناظري والفرح عاد
غنابها شعري وقلبـي احتفلهـا
همسة غلا والشوق في جيتك زاد
شوق ملا قلبي وروحي شملهـا
همسة غلا شوقك كما الجمر وقاد
احرق ضلوع بالمحاني اشتعلهـا
همسة غلا والقلب في قربك اعتاد
وغيبتك ياعمري ابـد ماحتملهـا
لك المشاعر ياغلا صدق تنقـاد
ركاب قلبـي يـم قلبـك حملهـا
همسة غلا يامشرب الروح والزاد
ياشمعة الدنيـا وشمـي واملهـا
لك منزل مكانته روس الاشهـاد
ولاغيرك احدٍ ياغناتـي وصلهـا
|