اعتقد ان العراق استخدمت نفس الأسلوب الي استخدمته ايطاليا ضد فرنسا في نهائي كاس العالم يوم يستفزون زيدان وينرفزونه ويطلعونه من جو المباراه شكله صار نفس الشي لياسر وربعه يمكن نعتوهم بالأرهاب ومدري شنو قاموا تنرفزوا وطلعوا من جو المباراة
طبعا بالأضافه للعبهم الرجولي والجماعي داخل الملعب >>>>>> عاجبه لعب العراقيين
السعوديين بعد كان دفاعهم مهزوز من بداية البطوله لكن محد كان قادر يتكلم بسبب الفوز تدرون انتوا بعد اذا فاز المنتخب محد يقدر الا يمدح في كل اللعبين حتى الي ما لهم دور في الفوز لازم نمدحهم حتى الدفاع الي كان فاشل محد يقدر يقول فيه شي للأنهم فازوا
اتمنى للمنتخب السعودي التطور واختيار الأنسب دائما مو مثل قبل يفرضون على المدرب منو الي يستدعي ومنو الي ينزل للمباراة ومنو الي يجلس احتياط مدري ليش يحطون مدرب من اساس
اتمنى بعد ان العراق يطور من مستواه ويبتعد عن الأساليب الملتويه داخل الملعب