|
رد: المحاضرة الثامنة اقتصاد ساعدوني ؟؟؟؟!!!
مثل ماذكر اخونا فوق .. با خذها معك حبة حبة بشكل بسيط جداً جداً
انتي نويتي مثلاً تفتحين محل بسكوووت <-- جايع ههههههه
أول شي طبعاً بتشترين 3 آلات صنع لهالبسكوت .. وناقصك عمال .. والدعوة مدبرة والحالة كسيفة
وطحتي بعامل هندي ههههههه .. وقلتي يله خذ وحدة من هالألات وادهر فيها وطلع لي كراتين بساكيت خخخخ
المهم هالعامل بدى يشتغل لمدة سنة كاملة وطلع لك 100 كرتون بسكوت <== هذا نسميه الناتج الكلي
شفتي مية كرتون ماش شوية خاصة ان عندك آلتين محد اشتغل عليها والعامل يشتغل على آلة وحدة فتبين تستفيدين من تشغيل الالات الباقية وعشان كذا رحتي جبتي عامل ثاني يشتغل معه ولقيتي ابو هنود ثاني وقلتي يله استلم .. وصاروا عندك عاملين يشتغلون بمصنعك لمدة سنة كاملة وطلعوا لك 200 كرتون بسكوت <== هذا نسميه برضه الناتج الكلي .. وادهر مصنعك وقلتي برضه بجيب عامل ثالث وبكذا صار عندك ثلاث عمال وثلاث آلات واشتغلوا سنة وطلعوا لك 300 كرتون <== برضه هذا نسميه الناتج الكلي .. ادري ذبحتك بسالفة الناتج الاجمالي بس بنغير بعد شوي  .. ،، بعد هالفترة اللي اشتغل فيها مصنعك قلتي وانا بنت ابوها بشوف هالعمال كيف شغلهم وكم واحد يطلع من كرتون بالسنة .. رحتي شيكتي على الكراتين المصنعة لقيتيها 300 كرتون صح؟؟ اللي هي الناتج الاجمالي .. وبتشوفين كم كرتون طلعه كل عامل عندك .. قلنا 300 كرتون والعمال اللي عندك 3 .. يعني اقسمي عدد الكراتين في عدد العمال .. 300 تقسيم 3 .. النتيجة 100 <== هذا نسميه الناتج المتوسط .. يعني العامل الواحد يطلع مية كرتون بالسنة .. جلستي فترة وعندك هالثلاث عمال وجا واحد منهم وقال ماما انا اخو سمسم انا كويس مية مية ليش مافي شغل هنا مصنع .. انتي قلتي دامك ضامنه يله جبه معكم رابع وكملوا شغل مع ملاحظة ان الالات هي 3 ماتغيرت ولا زودتي فيها شي من لما فتحتي المصنع بالبداية .. المهم اشتغل هالرابع مع الباقين سنة جديدة وبعد السنة طلعوا 350 كرتون <== هذا الناتج الاجمالي والانتاج المتوسط هو 350 تقسيم 4 اللي هو عدد العمال = تقريباً 80 او 90 ، بس لاحظي ان كل سنة كان يزيد انتاج مصنعك 100 كرتون هالسنة زاد 50 كرتون بس مع انك موظفه رابع معهم .. ليش مازاد مية كل سنة كالعادة؟؟؟ .. لأن الآلات 3 بس والعمال 4 .. فطبيعي واحد منهم يتكي على جمب شوي الين يتعب واحد من الثلاثة الاولين ويمسك مكانه يعني يتناوبون على الآلة وتشغيلها .. أهاااااااا هنا وصلنا للنقطة المهمةةةةة .. الانتاج الحدي وشو؟؟ هو مقدار التغير مابين الناتج النهائي وبين التغير في عدد العمال .. يعني بصورة اوضح .. كان عدد عمالك 3 وانتاجك وقتها كان 300 كرتون .. والحين صاروا عمالك 4 والناتج 350 كرتون .. يعني 350 - 300 = 50 <--- هذا الناتج الحدي .. وطبعاً لازم تكون المعدات اللي هي الآلات ثابتة .. والعمال يزيدون وكلما زادوا تغير الناتح المتوسط وبرضه تغير الناتح الحدي .. يعني لو زدتي بعد عامل خامس والالات هيا هيا ماتغير .. بينقص الناتج الحدي اكثر من 50 وهكزززا
هذا بشكل بسيط جداً لنظرية الانتاج على شكل مثال ان شالله فهمتي خيتو
|