|
رد: "قنبلة تبي تنفجر" ضعف التفاعل مع المواضيع الهامة.. توافقوني!
عدنا من جديد
اعذر لي التطويل بس شي يقرقع بخاطري وابي اقوووووله
موضوعك بالصميم اخوي زيدان وقد يزعج البعض
ونعاني منه كمان في قسمنا
مع انه زي ماقال اخونا ماي دريمز المسأله قد تكون نسبيه .. ولو مو عيب وفيها ازعاج للبعض كنت ضربت بعض الامثله من المواضيع اللي شفتها و في كذا قسم
اقتباس:
الملاحظة هي ان كثير من المواضيع الهامة والجادة والتي بذل فيها اصحابها جهداً رائعاً لا تحظى بتفاعل كافي من بقية الاخوان وخاصة ان كان صاحب الموضوع " رجل "..gif "(107)")
|
ما انسى كنت اتصفح في القسم العام في الصفحات الثالثه والرابعه و مريت على موضوع ( من كذا موضوع ) عدد الردود صفر والمشاهدات يادوب عشرين .. حسبت ان الاعضاء يمكن عارفين هالعضو انه راعي مقالب او ان فحوى الموضوع بايخ او مكرر .. بس لقيته لا ..
موضوعه عن اليتيم وفيه مقطع يوتيوب
( وغلطة الكاتب انه ما كتب في عنوان الموضوع انه فيه مقطع او بالصور وعنوان الموضوع اصلا لا يدل عليه ..لكن العتب ع الاشراف يكون تولى مهمة تعديل العنوان )
ومؤثر جدا وهو من ضمن سلسة مقاطع هادفه ..
لكن هالشريحه ( الايتام ) في مجتمعنا لا تتناول بالطرح زي مانتناول ترهات و غرابات القذافي مثلا والا سواقة وحده ما نعرف لها اصل ولافصل في جده طلعت ساقت السياره والا مشهد واحد يفحط ودخل بلمبه و دمه بكل مكان !!
( تبي تشد احد اكتب فضيحه وتشوف الاعداد الغفيره من المشاهدات والتعليقات وكثير من المقاطع التوعوية الدينيه في اليوتيوب تلاقي عناوينها خادعه تغري الشخص بالدخول ويتفاجأ انه المحتوى مختلف .. وصاحب المقطع يكتب في التعريف بالمقطع انه مالقي الا هذي الطريقه عشان يوصل صوته !! شي محزن والله )
ممكن إخراج الموضوع كمان يساعد في شد المشاهدين ويكملونه للاخر وغالبا المبدع في هالموضوع هم البنات فيمكن لهالسبب تلاقي اقبال ع مواضيعهم اكثر..
خلفيات ملونه وتنسيق جميل والوان ..و لا ننسى احنا بصريين وتشدنا عناوين المواضيع اللي يكون من ضمنها ( بالصور ) وعدد المشاهدات يؤكد كلامي ...
اقتباس:
والغريب ان التفاعل يكون في مواضيع فارغة المحتوى والمضمون كأن يأتي احد الاعضاء بموضوع يشتكي فيه من ويلات البلاك بورد او موضوع يتذمر فيه من سياسة ادارة الجامعة او نشر الاشاعات بشأن تغيير موعد الامتحان النهائي او طريقة توزيع الدرجات رغم انها مشاكل فردية وليست ذات فائدة كبيرة للاعضاء. ومشكلة البلاك بورد كانت من الجامعة وقد وعدت الجامعة بحلها و أوفت بالعهد، ولها جزيل الشكر.
|
هذي عد و اغلط فيها
صارت شي مزعج جدا ... مع ان المنتدى بمشرفيه ومراقبيه مشكورين يفتحون مواضيع للترويح ولكن لابد من يأتي ويقلب مسارها بشكل مزعج.. وبعدين يجون يقولون المشرفين والمراقبين فيهم كيت و كيت ..
هذا غير اللي يجي قبل الاختبارات بشهر و يرز ذاك الموضوع يالله عطوني وعلموني وقولوا لي و فهموني .. خذ هذا الموضوع واضربه برقم خمسين .. اللي هو عدد الاعضاء اللي كانوا في سبحانيتهم !!!!!!!!!!!!!!!! المواضيع المثبته حاطينها استهبال مثلا ؟
و سيبك من اللي يشتكي من البلاك ممكن فاض به الكيل ( والبلاك مصخهااااااااااااااااااااا هالترم ) لكن اللي يجي يغلط ع دكتور !!!! وهو رااااااااااااااائع ..
وليش يا حزرك ؟ ( لأنه زاد 8 دقايق عن ال45 دقيقه اللي هو متوهم انها مدة المحاضره !! مدري من ضحك عليه وقال له مدة المحاضره 45 دقيقه مو ساعتين ؟ الاعتراض يا ناس على 8 دقايق !!!!)... مع العلم انه ماكتب كلامه بأسلوبه هذاك في منتدى النقاش الرسمي حتى لا يتم التعرف عليه وهناك من نصحه بملتقانا ويقول اللي يبي .... يعني مافيه عقل يقول له كلامك غلط ؟ واللي مايصير هناك ما يصير هنا؟
خفت لا تتكرر مأساة دكتور غسان اللي راح وخلانا بسبب بعض الفاشلين الفالحين في الحفظ فقط .. عسا الله يحفظه وين مايلقي بوجهه .. فشديت معاه بالكلام وبالاخير قام يغلط علي لأن كلامي ما جا على هواه
لكن نويت اي احد يغلط ع اي دكتور ونعرف انه كويس والبلا في الطالب رح اكحل عيونه بالموضوع التالي
http://www.ckfu.org/vb/t185937.html
وياليت الملتقى يضرب بيد من حديد ع هالشكيلات ...
رد لوف 99 اعجبني مررررررررررررررره واضيفه لما ذكرت اعلاه
وش تقول يا زيدان في اللي يعيد شغلك من وراك ؟ انت تسوي واجب يروح يسوي واجب مثلك وينزله ؟ وتسوي محتوى والمشكله طويل عريض ويجي من يسوي مثله وينزله ؟ فيه احد جا يسأل عن رابط البلاك وحطيته له و جا هالشخص وحطه هو بعد ؟ يعني الرابط حقي رابط الشغاله مثلا ؟  صايره لي هالحركه الان ولا ادري وش يحس فيه اللي يسويهااااااااااااااا بس الله يهدينا كلنا
اسمح لي خيو بهالكلميتن اوجهها لــــ :
اقتباس:
|
ليش ما يكون فيه قسم مواضيع المناحه والتذمر
|
تشيتي وما ادراك ما تشتيتي .. تهبلييين يابنتي بردودك و ردك جاي ع اللي بخاطري وبديت اعاني منه كوني مستلمه شيئا من مهام تنسيق المواد في القسم مع الاشراف .. لاازيد عليها 
رنو ... انسانه اعجز عن وصفها وردها يبين مدى التفااااااااااني اللي ممكن البعض يستغله بالإعتماد اللي ماله طعم .. برغم انها في قسم مغاير الا اني استفدت منها كثييييييييييير الله يحفظك و يعلي مراتبك
اقتباس:
في جميع انحاء العالم وحيث يقود الرجال والنساء سيارتهم يضعون مسافة امان فاصلة بينهم وبين اقرب سيارة امامهم "عشان ما يقربع في السيارة عند ربط البريك "، الا هنا وخاصة في مدينة مزدحمة مثل الرياض فإنك بوضوعك لمسافة آمنه يعتقد البعض انه فرصة مناسبة لكي "يسقط" عليك .
وهذا يدل على اننا شعب لا نحب الالتزام بالنظام بل ونربي القادمين الينا على ذلك
|
هذي اعجبتني مررررررررررررررررررره
اعتذر عن الاطاللللللللللللللللللله بس جيييييييييييت ع الجرح زيدان
دمت بارتقاء يتلو ارتقاء
|