2009- 7- 25
|
 |
أكـاديـمـي فـعّـال
|
|
|
|
|
[ الإنـسـكـآبـــ ] ,!
بري حالي لآنتهى العصر وأعلن الانسحاب
وخلت الشمس الصدارة ومالت للغروب
وأذن المغرب وساد الفضا مثل الضباب
وآنتهى والليل لبس الأماكن لبس ثوب
وأردت همومي على قلبي الصلب الخراب
وأردت حيام الضوامي على عد جذوب
كلها هانت ولا هنت يا هم الغياب
من محبة صاحبك صرت ياهم امحبوب
آخذ ليلك بأوله وآكل وآشرب في رحاب
قلب من شدة طهارته تجفاة الذنوب
إيه والدنيا مساكن ورحلة وآغتراب
والغلا بالوقت هذا مميز بالعيوب
وآشمل بجسمي وآعدي على روس الهضاب
وكل ما ضيعت وجهي دريت إنه جنوب
ويش آسوي فيك يا عم تلعات الرقاب
وآنت واقع والتمعان في عيونك هروب
آنت مجرم حب لا ويش جاب لويش جاب
آنت عذب عذّب رجيلي بشوك الدروب
صرت آهاب من التزاحم وآنا ما كنت آهاب
وآمشي بكيفك لو إني على المشي مغصوب
صرت آجمع من جروحك وكلماتك عتاب
وقبل آقول وشفيك تجرحني أستغفر وأتوب
صرت آحسب الناس ما كنت آحسب لها حساب
وصرت آكذب لأجل ترضى وأنا ماني كذوب
شوف مهما صار بي إنحنائي إنتصاب
العب بعمري وبعثرة بيدك باللعوب
آدري إن الجاذبية تسبب الإنسكآآب
وآدري إني منسكب وأدري إن يديك كوب
سلت فأرضك وآرتوت بي وفاضت بي عذاب
لين حبتني قلوب وتعادتلي قلوب
فأعرف إن زولي غدير وحكاياهم سراب
والمقادير الأيادي وشين الحظ طوب
يعني ليامن رموني حقيرين الجناب
صار زولي عشرة آزوال وعيوني قروب
آتعذب لأجل آداريك عن طيش الشباب
وآتوحد لين يطغى على وجهي شحوب
ماني آستاهل كذا منك ياوبل السحاب
لا تبللني وآنا ودي إنك ما شروب
بيتني وآدخل بقلبي ياقلبي باب باب
وآخطر عروقي برجليك يـ آسمر دوب دوب
جل من ولع عروقي بقنينة تراب
نوب تضحك من عذابي وتبكي منه نوب
لو .. لي دعوة وحيدة وهي بتستجاب
قلت ياربي ليا مر خالفه الهبوب
زوي قلبي كلما آزويت خصرك بإنسياب
وقف العالم يرد البحر من كل صوب
اي خلاصة شهد وعذوق ما لذ وطاب
يا مغلبي وأنا ما بعد صرت مغلوب
يا مسفرني لوجهك ذهاب بلا إياب
يا معزز بالغلا يا مقدر يا محسوب
بيتني وآذهب بي بعيد يامال الذهاب
ضمني بيديك بجمد على صدرك وآروب
انت لو ضميت تمثال من ضمتك ذاب
كيف لو ضميت صدر على ذكرك يذوب..؟؟
0
0
0
0
|