من عــز نــومــي صحيت وشفت في عيني
00000 دمــع تهـادى على جفنـي وأنـا غــافـــي
ستـرت دمعــي بكمـّـي قبــل يغــريــنــي
00000 وأخـــذت هـــذا الجسد بــاقــي لحــافـــي
وسريــت تــايـه ورى خـطــوات رجلـينـي
00000 لا الوجه وجهي ولا أوصافي هي أوصافي
أمشي وأقــول لطــريقــي لا تــودينــي
00000 لعيون نـاس تبــي تــدري عــن الخــافــي
( أمــانتـك ) خلــهــا مــابينــك وبيــنــي
00000 خـابــرك يالــدرب أخــوة عمــر وسنافــي
مـــاودي النــاس تــــدري وش يبكينــي
00000 كــرامــــة النفس ورث أبــوي وأسلافــي
أمشـي وأحس الخناجـر في شرايينــي
00000 والبــرد يمشـي وراي ينهش أطـــرافـــي
وحيــد والليل بــــردونـــه يغطــيــنــي
00000 تقــول كـــنّ البلــد روحّ بهــا السـافــي
إليـن مـا أوحيت لــي صوت ينادينــي
00000 صوت أعرفه مثل ماأجهل وش خلافــي
قمـــت أتلفــت وأنـــادي لاتخلـينــي
00000 مــاغيــره الصوت هـذا صوتــه الـدافــي
ولمحت زوله من أقصى الدرب لافيني
00000 مادري وش أقول لكن حـي هـاالـلافــي
تعال شف غيبتك كيف أثــّرت فيني
00000 تعال شفني وأنا أغـرق عقب مجدافـي
تعال خذني وريحني من عناويـني
00000 تعبت أعـدي على جمرك وأنا حــافـي
تعال وأقطف بصوتك زهرة سنيني
00000 كــل المواعيــد عقبـك شمعهـا طـافـي
تعال وأزرع خصل شعرك بكفينـي
00000 بضمهـــا ليــن أحـس بليـلك الطــافــي
تعال وشفيك خايف أنت ناسيني ؟
00000 قطعت صوتي عليك وطـال ميقـافــي
حتى بديت أشعر إن الحب معميني
00000 وإن أنت حلم عثا فيـنـي وأنا غافي
لكن آمانه ترى اللي فيني كافيني
00000 إن رحت منك كذا مارحــت متعافــي
أبصدق الحلم وأحــذر لاتصحـينــي
00000 في خاطري كلمتين إن قلتها كافي
أمانة الله عليك إن غبت عن عيني
00000 لايكون قلبك مثل قلب الزمن جافي
مع كل دمعــه تذكـّـر رعشة يــديني
00000 ومع كل ضحكه تذكر قلبي الوافي