|
رد: ،, فضفضـہ إلى "صديق"
على طاري الفروه إلي لابستها سديم خمسه لاحظوا خمسه 
تخيلوا ايام الثانوي وحده من خوياتي من النوع إلي تبرررد ترتجف مسكينه 
ولو تلبس الكبت بكبره بعد ماراح تدفى المهم في يومٍ من الأيام 
أقبلت علينا المدعوه وبيدها كيسه
وهذه الكيسه كبيييره جداً للوهلةُ الأولى تحس داخلها ذبيحه مقطعه > معلقه على الذبايح
وأنا أُراقبها من بعيد حطت المدعوه اغراضها إلا وشوي تطلع هذاك الشيء من الكيسه 
وأنا مازلت أُراقبهاا طلع الأخت جايبه فروتهاا معها تبي تداوم بفروه
ولبستها وسوتلي بعد عرض أزياء تمشي وتدكي على السبوره وأنا أوؤيدهاا 
أنا قلت يمكن بس بتلبسها بالفصل ماراح تطلع براا 
إلا وشووي وتروح الفصل إلي جنبناا وهي بفروتهاا البيج وتتمشى بالسيب والوضع عاادي
لحظة التهووور نزلت الساحه بفروه والوضع اوكي مافيه مشاكل
تروح المقصف وتروح تسلم على شلة نورا وتمارس حياتها الطبيعيه كأي طالبه
وجلسنا على هالحال تداوم بالفروه وماعليها من أحد وأحنا ياخويتها قاطين معهاا
بس والله تدفي
المهم فيه وحده دبوسه من البنات راحت تعلم الأداره عليها 
طبعا هي تمت مده طويله وهي تداوم بفروه شهر ويومياً ماتشيلهاا 
تقول ماتقدر تعيش من غيرها  _
أكملكم الإداريات كلهم نزلوا الساحه يدورونهاا وحددهم معصبين 
صادوهاا جعلهم الماحي وأسحبوها عند المديره وهزئوها ودقوا على أمهاا 
وكلموها بأسلوب جاف شوي 
والمهم رجعت البنت تصيح حسبي الله عليهم 
قالت أنا عاادي بالعنه يهزئوني بس أمي لااا قلتلها ليه وش قالوا 
أنتي تشوفين بنتك وهي طالعه من البيت قالت إيه تشوفينها وش لابسه قالت إيه فروه 
عاد وأستلموهاا ملاعين الخير 
ما أنسى شكلها تصيح والفروه عليها بعدين قامت وهربت بعد من الحصه إلي بعدهاا
بحجة إنها مالها خلق 
بقولكم حركه مدري إذا فيه أجد يسويها غير مدرستي الموقره 
أنا ماكنت أسويها بس أرافقهم يعني 
إذا وحده من الفصل هربت من الحصه تجي تفتح الباب علينا تطل يعني تحرنا 
عااد هي ام فروه سوتهاا فتحت الباب شوي وشاقه الضحكه 
بس والله وناسه هالحركه تحمس الواحد إنه يهرب فهمتوها يعني مو أفتح الباب كله لا
بس فتحه صغيره تورينا نص فيسها وترووح تركض برغم إنها خطره جداً وعقابها شديد 
ساعات لا كثروا البنات تقعد كل شوي وهي فاتحه الباب كل شوي وهي ناطه
تروح المدرسه تررركض وتفتح الباب وتشيك على السيب تبي تلحق البنت 
احنا هينا نفطس ضحك هي حركه سامجه بس لما تعيشونها غير 
عاد فصلي كان مجنن المعلمات يشكون يقولون مامر عليهم فصل علمي بهذا السوء 
مافيه مثلناا الكرسي هذا مانعترف فيه بس إذا المدرسه موجوده نقعد
وأول ماتطلع نستقبل الثانيه بالسيب أبله مانبي درس 
تقعد تصيدناا أنا ماكنت أهرب بس أتأخر عن الحصص وأجي على النهاااايه بس
وماكنت أنام بس نمت مره وحده والله مو بيدي بعد لاإراديا نمت 
أيااام جميله أويّ ويّ 
|