المشاركة الأصلية كتبت بواسطة techguy

حسب خبرتي المتواضعه للعمل بالسعودية مع هذه التخصصات :

Information systems = information technology = network engineering = computer science = computer engineering = software engineering

عشان ماتتعبون نفسكم وتنصدمون بعدين لماتتوظفون بتلاحظون ان 90% من الشركات ماتفرق بين الاقسام وبالاخير بتشتغل وبتتعلم الشغله اللي بتفيد القسم و 100% من القطاعات الحكومية ماتفرق بينهم!!
انا لما كنت اشتغل كان معنا قروب بالقسم موظفين كل واحد فيهم عنده تخصص من اللي شايفينه فوق نشتغل على مشاريع وحده تحت مظلة الكومبيوتر ومعانا ناس معاهم ماجستير ودكتوراة !! ولما نتكلم عن تخصصاتنا انها تختلف عن بعض مع المسولين جانا الرد انكم كلكم تخصصكم كومبيوتر !!
الشي الوحيد اللي هو mis يفرق عن is عند الشركات.

اهم شي اتبع الشي اللي تحبه عشان تبدع بدراستك وركز على البرمجه لانه 75% من شغلك برمجه في اغلب الشركات.

هندسة الحاسب computer engineering
الفرص نادرة جدا وصراحه من اسوء واصعب الاقسام لانك راح تتعاملlow-level programming language)) embedded software و microcontroller و circuit board مع الهاردوير ومن الاشياء المللة في هذا التخصص انك تعمل نفس الشغله في دوامك لسنين طويلة وشركة وحده فقط في الرياض تطبق هذا التخصص بحذافيره. واعرف شخصيا واحد معاه دكتوراة بالتخصص هذا ويعمل بالقطاع الخاص ونادم انه ضيع وقته على هندسة الحاسب !!

Software engineering

مافيه ولاشركه في السعودية تطبق هذا التخصص للاسف وطلاب البترول اللي دراسين هذا التخصص سالتهم واغلبهم في اكبر الشركات في المملكه قالوا لي انهم ماطبقو ولاعشرة بالمئة من هذا التخصص. حتى فيه من علماء الكومبيوتر في العالم زار السعودية وانصدم انه موجود هذا التخصص في السعودية !!
وللمعلومية هذا افضل تخصص من ناحيه الرواتب في امريكاء من بين كل الفروع.

* ملاحظة : هناك مفهوم شائع خاطئ ان علوم الحاسب يهتم بالبرمجه او اللي يحب البرمجه يروح للتخصص وهذا كله خطأ. هو علم شامل يعلمك بقطرة من كل بحر من بحور الحاسب.

* ياليت من صاحب الموضوع انه ماينسب العمل له ويذكر ان الموضوع منقول عشان مايروح جهد اللي كتب الموضوع وشكرا.