ياقلب لاتشره اذا الناس عافوك
لاتشتكي وتقول محدن بغاني
وش ترتجي منهم اذا هم تناسوك
وش ترتجي من كل قلب انـآني
غروك بالطيبه وبالحب شدوك
وتبدلت عندك جميع المعاني
تلبسوا زيف المشاعر وباعوك
للجرح والدنيا وقسوة زماني
اغتالوا امالك وبالحيل ذلوك
تصرخ تبي مافات يرجع ثواني
توك صغير السن لاباس هزوك
قبلك خذوا مني ولااحدن عطاني
لا تشتكي ياقلب ارجوك ‘ارجوك‘
ياما طواني الهم واسقط كياني