غريبـة عقب حبــي لك تصـد ولا تحاكينـي
ألا يا خاينة كذبـة غرامـك جفـت أوراقـه
أنا ماني مصـدق عقب ذا ألعشره هجرتينـي
أجل وين الغـرام و وين عهـدك لي وميثاقه
نسيتي في البــداية كــم تعبتي لين جبتيني؟!
نسيتي أول وصاتك لي قولوا له صـرت عشاقــه
نسيتي ليلــة فيهــا حضنتــك يــوم جيتيني
تضمينــي بيدينك تصرخيـــن الله مشتاقـــة
نسيتي ساعـة فيها يلامـس دمعـك يدينــــي
وتمايلتي على صدري وشكيتي الحـب وأشواقـه
وتعاهدنــا و حلفتي لي بأنـك ما تخونينـــي
وعطيتك ما تبين ومنك أخـذت اللي ماحد ذاقه
ليا منك ذكرتي اللي مضـى ما بينـك وبيني
عرفتي صاحبـك صـادق ولا أحد فيه بأخلاقه
و فهمتي ساعتـه إنــي نسيتـك ما نسيتيني
ومهما يبتعـد جرحـي بيسمن داخـل أعناقه
أنا ماني بكيفك لا شبعتي قلتــــي يكفيني
أنا من هو عطاك الحـب وأنا اللي أعلن فراقـه