أقسم برب البيت مالك وزيني = وما قاسمك حبي من الناس مخلوق
أفرح بشوفك لين شفتك تجيني = وأهديت لك حبي من القلب مطبوق
ياليتني وياك طول السنيني = نفرش بساط الود عاشق ومعشوق
بالحب والأشواق متقاسميني = شعارنا الأخلاص مانقبل البوق
بالله عسانا بالهوى مهتنيني = مانفترق دام السموات من فوق
حبك بقلبي لا تهوجس رزيني = دايم يعذبني بعادك مع الشوق
ترى سلوم الحب يانور عيني = حب متبادل ماشي سابق ومسبوق
حبل الوفاء بالود خله متيني = وأرجوك سر الحب خله بصندوق