طبعا انا اللي تكلمت عنه من جانب واحد
والامر صراحه متشعب
بس بقولك وبكل بساطة ان المراءة مهما بلغ جمالها ستظل تحس بالنقص امام زوجها صغير السن ولو كانت عاقله راح تكتم هالشي بخاطرها وماتصارح فيه حتى لنفسها بس طبعا بالعشرة وحب زوجها لها توطد فيها الثقه بنفسها
وتحس انها تقدر تعطي اكثر بسبب قبول زوجها بها بكل حالاتها وطبعا زوجها يجب ان يحذر ان يمس هالجانب فيها ويتكلم عنه لانه راح يجرحها كثير لازم يتعامل معها على انه اكبر منها وهي تستاهل الدلال
فلذالك يصبح التعامل متعب لان راح تكون حذر معاها وتخاف تجرحها
فالاسلم والافضل تاخذ وحدة صغيرة واثقه من نفسها تقدر تتلقى كل انواع
الامزجه الي تصدر منك
والرجل بطبعه اذا التمس اي نوع من نقص الثقه بزوجته في نفسها تلقائيا راح ينسحب ويضع نفسة في موقف الملام بحيث ان طبيعه الرجل يحب ان يلبس قبعة الخبير ويحل مشكلة زوجته فإذا كانت المشكلة بفارق العمر لايستطيع حلها سيحس بالخذلان في نفسة ويبتعد شيئا فشيئا عنها
وفي الاخير الي بيتزوج كبيرة راح يتحمل كثير من المشاعر السلبية اللي يراودة
وطبعا الازواج ماراح يكتشفون هالشي الا بعد الزواج اثناء المصادمات والمشاكل اللي تواجههم
وعذرا ع الاطالة
بس حبيت اشرح اكثر عن وجهة نظري
وتشكراتي للي يناقشوني لانهم يطورون قدراتي واقدر استفيد من وجهات نظرهم