|
رد: *.. ( يالعنود مالك وجود ) ,,,,@
نص متفرد نختاره لمتابعي الملتقى للشاعر بدر عبدالمحسن الذي نقش حروف الابداع في هذه القصيدة التي اشتملت على الأصالة والجودة والتفرد.
شعر/ بدر بن عبدالمحسن
في دربكم يا راحلين منا كيف
تالي ليالي القيظ واول خريفه
ردّو سلام اهل القلوب المواليف
على الوليف اللي نشد عن وليفه
ردّوه لعذوق النخيل المهانيف
وعلى القصور اللي بواد حنيفه
دار لها بالقلب عشق وتكاليف
يا عل عين ماهوتها كفيفه
طبنا وشبنا واتعبتنا المشاريف
والمرقب العالي هبوبه عنيفه
يا واردين العد كفو المغاريف
اللي بقى دمع هماج ذريفه
والله لو دمي بغيث الملاهيف
قطعت عرقي لين يصفي نزيفه
يا حظ من لا عرف منهو ولا شيف
إن طاب يحمد وان تردي بكيفه
وحنا ورثنا العز عظم وغضاريف
لاما ورثنا العز تاج وقطيفه
|