تخـفي هيامك] .. وانت [ميت وملـتـاع
ما تـدري إنه في ملامـحـك .. منـحـوت
ويبخل لسانك .. وانت للسمع .. طمّـاع
والبخل .. في سِلْم المحبيـن .. ممـقـوت
الحكي .. قوت السمع / وأسامعي جياع
ومسامـعي ماتت من الجـوع .. للـقـوت
وحكي الغزل في صدرك أشكال وأنواع
لكنّْ صمتك .. حوّل الصـدر .. تـابـوت
إذا طَلَبتـك وصـل .. صعّبـت الأوضـاع
مدري .. من اللي درّسـك جعله يمــوت
إلطف بحال اللي نحـل حاله .. و راع ..
قلبٍ جروحه .. تنزف أفكار .. وبيوت
قلبـي .. إلا منّه شـرى قـلـب .. ما بـاع
وإنت الله .. الله فيه .. والعمـر موقوت
لا .. للفـراق .. و لا .. لتجديـد الأوجاع
ونعم .. نعم للوصل .. لو كان بالصوت
::