بسم الله الرحمن الرحيم
السلام عليكم ورحمة الله وبركآته
تونــي جآية من المدرسـة , بصراحه كنت مصعبـة الموضوعَ ومتوترة وهو بالحيل سهل
المدرسة 24 بالدمام للبنات
رحـت لهم مع بداية الدوام مع إختي الصغيرة اللي تدرس بالمدرسة وإنتظرت لين تهدأ الأمور ويخلص الطابور ..
بعدها جت وحده تسألني إذا كـنت محتاجة شي أو ماشيات .. علمتها إن محتاجة أقابل المديرة
وراحت على طول ودلتني على المكتـب <<~ مع إني أدله بس من باب الذوق إني أنتظر لين تستتب الأوضاع بالمدرسة وآخذ راحتي مع الجميع
طبعاً ـأنا ما أخذت موعد ولا شي , لإني دورت رقمهم ولا لقيته فـ قلت أروح إذا ما إستقبلوني آخذ رقمهم وأسوي موعد معهم يوم ثـاني
لكن صراحه ما إحتجت أسوي كذا لإن التعامل كان جداً رائع ورآقي
المديرة إستقبلتني بوجه بشوش ورحـبت فيني كثير ,
وخبرتها إني جاية من مؤسسة تعليمه وإني أنتمي لـ جامعة الملك فيصل وباقي لي سنة إن شاء الله وأتخرج .. وخبرتها إنو قاعدة أدرس مادة إسمها التدريب الميداني مطلوب فيها إني أسوي تقرير مع إخصائية إجتماعية في المجال التعليمي المدرسي
ورحـبت فيني وإستأذنت دقيقة ورجـعت قالت لي تفضلي عند المرشدة ووصلتني لـحد باب غرفتها ..
دخلت ع المرشدة و سلمت عليها و وعدت عليها نفس اللي قلتـه للمديرة ورحـبت فيني
وجلستني وبدأت أسئلها وهي ترد علي ..
وأي سؤال أحس إنها ما فهمته أشرحـه بطريقة مبسطه , وبسَ إنتهى اللقاء بيننا وشكرتها وعطيتها خبر إني ممكن أرجع في السمسترات القادمه
وبعدها إتجـهت لـ غرفة المديرة و طرحت عليها سؤالين ما جاوبت عليهم المرشدة ( يتعلقون بِ نشأة المدرسة وتطورها وما إلى ذلك ) و بعدها شكرتها هي الثانية
ودعت لي بالتوفيق في مسيرتي الجامعية ..
وإستأذنت
ورحت بيتنا 