---لاصرت تعشق لك خليل(ن) وتهواه
من عقب ما كان الهوى ما يهمـك
من عقب ما كنـت اتمنـاه منـواه
صار الهوى ايخالط عـروق دمـك
لكن حذاري من هـوى يبعـث الآه
مـن آه قلبـك ماهـي بـآه فمـك
اعشق واسهر واعشق الخل واتـلاه
طارد خياله ليـن طيفـه يضمـك
صعبة تلاقي بالوصل شط ترسـاه
وصعبة يبادلك الهوى ربـع جمـك
مدامها سلومي لها الفخـر مدعـاه
رح للتي من طق الأصبـع تلمـك
درب الهوى في داخلي طاب مسراه
وأخاف لا يدق الهوى بـاب ذمـك
ودي أحبك لكـن الوضـع مأسـاه
ودي وخوفـي إنـك اتـدس سمـك
ودي أحبـك لكـن العـرف مبـداه
"إنـي بنيـة سترهـا مـا يهـمـك"
ودي افضفض وانفـض الهـم والآه
وأخاف غمي يفتـح لبـاب غمـك
خدي شبع من لقمة الملـح والمـاه
تعال مسح دمعتـي بطـرف كمـك
تعبت أغني لك من الشـوق عـزاه
عزاه أنـادي لـك ولانـي بيمـك
لوكل حظ(ن) يجلـب اللـي تمنـاه
ياليت حظي جابني بنـت عمـك
ياليت حظي جابني بنت عمك
</b></i>