مشكلـه لا صــرت طيــب وقــالــوا لك هبيــــل
وانـت طـيـب فــي الـتعـامــل وقلبـك مـوسعــه
ومشكله لا صـرت مظلـوم وفـي يـدينك دلـيـل
ويتجـاهلك حكــم العـدالــه وصــوتـك يسمعـه
ومشكلـه لا صــرت ظـالــم وقـالــوا لك نبيــل
واشهـــدوا لك بـالشهـامــه و غـشـك تجمعــه
ومشكـلـه لا صــرت وافــي ولك حــظ قلــيــل
مـايـريـحـك غـيـــر دمــــع تـحــــدره اربـعـــه
ومـشكلـه لا صـــارحــزنـك تــدور لـه بــديــل
كـيـف تطفـى نــار وســــط الـفــــؤاد مــولعـه
ومشكلـه لا صــرت مخـلـص ووافـي للخليـل
والعــزيــز اللـي تـعــزه شـعــورك يــوجـعـه
ومشكله لا صـرت عـالـي وفـي الآخر عليـل
والـغــرام اللــي بقلـبـك لـشـوقــك تــودعــه
ومشكلـه لا صـرت تعطـي ولا تلقـى جميـل
مـن اوادم خــانـوا الـطيــب بـأول مـطلعــه
ومشكله لا صرت عاجز عن الحمل الثقيل
وفـوق حملك داخـل الجـوف حـزن يمزعه
ومشكله لا صرت مبلي من الرب الجليـل
حـكـمـة الله لا بغــاهــا مـحـــدن يـمنعــه